Қазақстанда туризм мен балалар спортына қолдау күшейтіледі

Заңның мақсаты экономиканы әртараптандыру, ішкі және келу туризмін дамыту, адами капиталды нығайту және балалар мен жасөспірімдер үшін спорттың қолжетімділігін арттыру бойынша Мемлекеттік басымдықтарды іске асыру болып табылады. Заңмен Қазақстанның 13 Заңына өзгерістер мен толықтырулар енгізіледі.

"Аудиторлық қызмет туралы" заңға бюджет және бюджеттен тыс қаражатты жұмсаудың ашықтығын қамтамасыз ету үшін спорт саласындағы бюджеттен тыс қаражатты бөлу жөніндегі бірыңғай оператордың қаржылық есептілігінің міндетті жыл сайынғы аудиті бойынша норма енгізіледі. Заңмен "Қазақстан Республикасындағы туристік қызмет туралы" заңға туристік өнімге қойылатын талаптарды айқындау жөніндегі уәкілетті органның құзыреттерін нақтылау, келу туризмі саласындағы туроператорлардың шығындарын субсидиялау мөлшері, туристерді орналастыру орындарын, визит-орталықтарды салу, реконструкциялау кезінде кәсіпкерлік субъектілері шығындарының бір бөлігін өтеу бөлігінде өзгерістер енгізіледі", – делінген қорытындыда.

Сондай-ақ, заңмен кәсіпкерлік субъектілерінің туристерді орналастыру орындарын, санаторий-курорттық ұйымдарды, визит-орталықтарды, тау шаңғысы курорттары үшін жабдықтар мен техниканы, жол бойындағы сервис объектілерін иеліктен шығармау және нысаналы пайдалану мониторингін жүзеге асыру және басым туристік аумақтардың шекараларын айқындау жөніндегі жергілікті атқарушы органдардың жаңа құзыреті енгізіледі.

"Дене шынықтыру және спорт туралы" заңда балалар-жасөспірімдер спорт мектебі (бұдан әрі – БЖСМ) ұғымы қосымша білім беру ұйымы ретінде бекітіледі, БЖСМ-ге мемлекеттік тапсырыс, жан басына шаққандағы қаржыландыру нормативі, мемлекеттік тапсырысты орналастырудың бірыңғай ережесі енгізіледі. Сондай-ақ деректерді есепке алу, талдау және бақылау үшін дене шынықтыру мен спорттың цифрлық платформасы құрылады. Мемлекеттік спорт ұйымдарының деректерді цифрлық платформаға беру міндеті белгіленеді", – делінген құжатта.

Заң қабылданған кезде күтілетін нәтижелер туристік саланы және балалар мен жасөспірімдер спортын дамыту үшін ұзақ мерзімді құқықтық база, сондай-ақ экономикалық өсу, әлеуметтік даму және халықтың өмір сүру сапасын арттыру үшін жағдайлар жасау болып табылады.