Қазақстанда ChatGPT қанша адам пайдаланады?

Оның айтуынша, тек бір бағыт бойынша 600 мыңнан астам пайдалану тіркелген, ал цифрлық платформаларды белсенді пайдаланушылардың жалпы саны артып келеді. Министр өңірлер, оның ішінде астана бөлінісінде АИ-сервистерді пайдалану көрсеткіштеріне жеке тоқталды.

"Біздің деректеріміз бойынша, адамдар саны 600 мыңнан асты. Біз бүгінде Қазақстан бойынша осы сервистерді қанша адам қолданатынын жеке талдадық. Мысалы, елорда бойынша біз халықтың шамамен 13 пайызы осындай цифрлық шешімдерді қолдануға тартылғанын көріп отырмыз және бұл көрсеткіштер қосымша тексеруге жатады", — деді Жаслан Мәдиев.

Министр ұлттық тілдік модельдер мен Aitu мессенджерін қоса алғанда, отандық цифрлық өнімдердің жиынтық пайдаланушы базасы қазірдің өзінде 700 мың адамнан асатынын және бір миллион пайдаланушы белгісіне жақындап келе жатқанын атап өтті.

"Егер пайдаланушы базасы туралы айтатын болсақ, бүгінгі күні ол 700 мың пайдаланушыдан асады. Бұл бірнеше мың туралы емес, жүздеген мың белсенді пайдаланушылар туралы. Шын мәнінде, біз қазірдің өзінде бір миллионға жуық көрсеткіштерге қол жеткізіп жатырмыз және қазір бұл деректерді нақтылау және растау жұмыстары жүргізілуде", — деді ол.

Жаслан Мәдиевтің айтуынша, аудиторияның өсуі халық арасында жасанды интеллект базасында цифрлық сервистерге сұраныстың жоғары екендігін айғақтайды және отандық технологиялық шешімдерді дамытуға таңдалған бағыттың дұрыстығын растайды.

"Біз үшін пайдаланудың нақты ауқымын түсіну өте маңызды - бұл құралдарды күнделікті жұмыс, оқу және күнделікті өмірде қанша адам қолданады. Дәл осындай көрсеткіштер цифрлық шешімдердің тиімділігін объективті бағалауға және одан әрі басқару шешімдерін қабылдауға мүмкіндік береді", - деп толықтырды министр.