Тоқаев: біз коронавирустың қайта өршуіне дайын болуымыз керек

 - Бүгінде барлық елдердің қауіпсіздігінің маңызды құрамдас бөлігі биологиялық қауіпсіздік мәселелері болды. Мен коронавирустың қайта өршуіне дайын болуымыз керек деп айттым, жағдай біздің елімізде және оған іргелес мемлекеттерде тұрақты табиғи ошақтардың және басқа да аса қауіпті инфекциялардың болуымен күрделене түседі. Бірқатар сәйкес келмейтін реформалар мен қайта құрулардың қабылдануы санитарлық-эпидемиологиялық қадағалау қызметі мен инфекциялық бақылау жүйесінің әлсіреуіне себеп болды. СЭС-ті күшейту және институционализациялау, тиімділігі дәлелденген модельге бет бұру қажет. Жаңа комитет құру жұмыстары басталып, бас мемлекеттік санитарлық дәрігердің мәртебесі мен өкілеттігі арттырылатын болады. Өмірдің өзі бұл реформаны ұсынады. Мамандарды әлеуметтік қорғау бойынша шаралар қабылданады және осы қызметтің кадрларын даярлау жүйесі қайта қаралады, - деді Қазақстан Президенті Қасым-Жомарт Тоқаев Ұлттық қоғамдық сенім кеңесінің үшінші отырысында. 

Мемлекет басшысы сондай-ақ жұқпалы аурулармен күрес саласында шет елдермен ынтымақтастықты нығайту қажеттігін атап өтті.

- Биологиялық қауіпсіздік жүйесі Жалпы стандарттар бойынша жұмыс істеуі және еларалық тиімді өзара іс-қимылды және қауіп-қатерлерге ден қоюды қамтамасыз етуі тиіс. (..) Жыл соңына дейін Қазақстанның биологиялық қауіпсіздігі туралы заң әзірлеу керек, - деп тапсырды Тоқаев.