Қарағанды облысында рақымшылық жасау арқылы сотталған әйелдер босатылды

Бүгінгі таңда мекемеде 500-ге жуық сотталған әйел жазасын өтеп жатыр. Рақымшылық туралы Заңды орындау аясында 100-ге жуық сотталушы жазалау мерзімін қысқартады, ал 40-қа жуық әйел өз отбасыларына ерте оралып, өмірдің жаңа кезеңін бастауға мүмкіндік алады. 

"Соттың алғашқы шешімдері заңды күшіне енді. Мәселен, 2026 жылғы 16 шілдеде Қарағанды облысының Абай аудандық соты Қазақстан Республикасы Қылмыстық кодексінің 188-бабының 1-бөлігі бойынша жазасын өтеген 38 жастағы сотталушыға қатысты материалдарды қарады. "Рақымшылық туралы" Қазақстан Республикасы Заңының 1 — бабы 2-тармағының негізінде сот оны негізгі жазасын одан әрі өтеуден босатты", - деп хабарлады облыс бойынша ҚАЖД.

Рақымшылық жасау туралы Заңды іске асыру заңнама талаптарына қатаң сәйкес жүзеге асырылады. Әрбір іс жасалған қылмыс санатын, жаза мерзімін және заңда көзделген басқа да шарттарды ескере отырып, жеке қаралады.

Мекемеде Заң күшіне енетін басқа сотталғандарға рақымшылық жасау туралы мәселені қарау үшін материалдарды дайындау және оларды сот органдарына жіберу бойынша жұмыс жалғасуда. Ондаған әйелдер үшін бұл туыстарына ертерек оралуға, әлеуметтік байланыстарды қалпына келтіруге және өмірді бос парақтан бастауға мүмкіндік болады.