Қазақстан инвесторлар мен бизнесмендер үшін елге кіру тәртібін жеңілдетті

Жеңілдетілген және инвестициялық режимдер шеңберінде преференциялардың кең спектрі қол жетімді. Атап айтқанда, инвесторлар мен кәсіпкерлер арнайы визалық режимдерді, өтінімдерді қараудың жеделдетілген рәсімдерін, сондай-ақ инвестициялық жобаларды сүйемелдеу тетіктерін пайдалана алады.

Оңайлатылған шарттар Қазақстанға еңбек қызметін жүзеге асыру үшін келетін, сұранысқа ие кәсіптері бар шетелдік азаматтарға, сондай-ақ экономикалық және әлеуметтік жобаларға қатысушыларға (мемлекеттік органдардың қолдаухаты болған кезде) қолжетімді.

Сұранысқа ие мамандардың тізбесіндет-салаға (жасанды интеллект жөніндегі инженер, ақпараттық жүйелердің сәулетшісі, қосымшаларды әзірлеуші, ақпаратты қорғау жөніндегі инженер және т.б.) ерекше назар аударылды. Сондай-ақ денсаулық сақтау (нейрохирург, гематолог, онколог, сәулелік диагностика дәрігері және т.б.), креативті индустрия (графикалық дизайнер, дыбыс операторы, графикалық анимация технигі және т. б.), жаратылыстану ғылымдары, инженерлік және өңдеу салалары (фармацевтика өнеркәсібінің инженер-технологы, лазерлік жабдық инженері, бактериолог және т. б.) салаларында сұраныс бар.

Еуразиялық экономикалық одаққа мүше мемлекеттерден (Армения Республикасы, Беларусь Республикасы, Қырғызстан, Ресей Федерациясы) келетін азаматтар үшін еңбек қызметін жүзеге асыру үшін қолайлы жағдайлар жасалған.

ЕАЭО шеңберінде қатысушы мемлекеттердің азаматтары рұқсат алу қажеттілігінсіз Қазақстан аумағында еркін жұмысқа орналасу құқығын пайдаланады, бұл жұмыс күшінің ұтқырлығының жоғары деңгейін қамтамасыз етеді және экономикалық ынтымақтастықты дамытуға ықпал етеді. Айта кетейік, өз кезегінде қазақстандықтар да осы қағида бойынша Одақ елдерінде жұмыс істейді.

ЕАЭО-ға кірмейтін елдерден келген шетелдік азаматтар үшін квоталау және еңбек нарығының қажеттіліктері негізінде экономиканың мүдделері мен ішкі нарықты қорғау арасындағы тепе-теңдікті қамтамасыз етуге мүмкіндік беретін жұмыс күшін тартудың құрылған жүйесі жұмыс істейді. Осылайша, Қазақстан озық, салмақты және ашық көші-қон саясатын қалыптастыруда.

2026 жылдың басынан бастап шетелдік қызметкерлерді тарту үшін
Сұранысқа ие мамандықтарға 5,1 мың рұқсат, ал еңбекші көшіп келушілерге 75 мыңға жуық рұқсат бар.

Ішкі еңбек нарығын қорғау мақсатында ҚР Еңбек және халықты әлеуметтік қорғау министрлігі жыл сайын Жұмыс берушілердің қажеттіліктері бойынша Қазақстанға шетелдік жұмыс күшін тартуға квота белгілейді және бөледі.

2026 жылға шетелдік жұмыс күшін тартуға квота 23,6 мың адамды, еңбекші көшіп келушілерді тартуға квота 221,8 мың адамды құрайды.

Сонымен қатар, елдің тұрақты дамуын қамтамасыз етуге және өз болашағын Қазақстанмен байланыстыратын шетелдік азаматтарды, яғни азаматтығын алғысы келетіндерді қабылдау сапасын арттыруға бағытталған көші-қон саясаты дәйекті түрде жетілдірілуде.

Осыған байланысты қазіргі заманғы цифрлық тәсілдер мен ашықтық қағидаттарына негізделген тұрақты тұруға рұқсат алудың жаңартылған тетігі енгізілуде.

Жаңа тәртіп мемлекеттік тілдің базалық білімін тексеруді, сауалнама деректерін талдауды, цифрлық скорингті, сондай-ақ уәкілетті мемлекеттік органдар тарапынан тиісті тексерулерді және қорытынды әңгімелесуді қоса алғанда, кандидаттарды кезең-кезеңмен бағалауды көздейді.

Бұл тетік Қазақстанды ұзақ мерзімді тұру және қоғамға ықпалдасу үшін ел ретінде қарастыратын тұлғаларға ғана бағытталған.

Бұл тәсілді іске асыру тұрақты тұру үшін тұлғаларды неғұрлым атаулы және теңгерімді қабылдауды қамтамасыз етуге, көші-қон процестерінің тиімділігін арттыруға және әлеуметтік тұрақтылықты нығайтуға мүмкіндік береді. Тұтастай алғанда, қабылданып жатқан шаралар мемлекеттің, қоғамның және ел экономикасының мүдделеріне жауап беретін ашық, прагматикалық және жауапты көші-қон саясатын қалыптастыруға бағытталған.