2030 жылға дейінгі елдік ынтымақтастық стратегиясына Қазақстан мен ДДҰ қол қойды

Құжат Денсаулық сақтау саясатын қолдау және ДДҰ-ның Жалпы жұмыс бағдарламасы мен Еуропалық жұмыс бағдарламасына сәйкес халықтың денсаулығын жақсартуды және денсаулық сақтау жүйесін нығайтуды қамтамасыз ете отырып, Қазақстанның орнықты даму мақсаттарына қол жеткізу үшін әзірленген.

"Бұл стратегияға қол қою Қазақстанның денсаулық сақтау жүйесін нығайтудағы маңызды қадам болып табылады. ДДҰ — мен бірлескен күш-жігер халықтың денсаулығын жақсартуда және медициналық қызметтерге әділ қол жеткізуді қамтамасыз етуде елеулі жетістіктерге жетуге көмектесетініне сенімдіміз", - деп атап өтті құжатқа қол қойғаннан кейін ҚР Денсаулық сақтау министрі Ақмарал Әлназарова.

ДДҰ Еуропалық бюросының директоры Ханс Клюге ұйым Қазақстанды барлық азаматтардың денсаулығын жақсартуға және тұрақты дамуға ұмтылуда қолдауға қуанышты екенін атап өтті.

"Стратегия Денсаулық сақтау министрлігі, ДДҰ және даму саласындағы серіктестер арасындағы тығыз ынтымақтастық есебінен іске асырылатын болады. Стратегия Қазақстанның барлық азаматтары үшін денсаулық көрсеткіштері бойынша әділ нәтижелерді қамтамасыз ететін сенімді, тұрақты және берік денсаулық сақтау жүйесін құруға бағытталған", — деп толықтырды Клюге.

2030 жылға дейінгі елдік ынтымақтастық стратегиясы негізгі басымдықтарды қамтиды: сектораралық тәсіл арқылы аурулардың қауіп факторларының әсерін азайту, алғашқы медициналық-санитарлық көмекті түрлендіру арқылы денсаулық сақтау қызметтерімен жалпыға бірдей қамтуға қол жеткізуді жеделдету, сапалы медициналық қызметтерге қол жеткізудің әділдігін арттыру, репродуктивті денсаулық пен халықтың әртүрлі топтарының денсаулығын қорғау саласындағы теңдікті қамтамасыз ету, климаттың өзгеруіне төзімді жергілікті тұрғындарды құру сондай-ақ денсаулық сақтау саласындағы төтенше жағдайларға дайындықты арттыру және ден қою шараларын жақсарту.