Қазақстандықтарды әскерге тікелей көшеден алып кетеді: Қорғаныс министрлігіне не жауап берді

Журналистердің айтуынша, әскерге шақырылушыларға тіпті ата-аналарымен сөйлесуге тыйым салынған жағдайлар болған.

"Мұндай әрекеттер көктемгі шақыру кезінде болды, бірақ күзде мұндай шаралар қолданылмады, өйткені мәселенің оңтайлы шешімін табуға мүмкіндік туды. Қазіргі уақытта әкімдердің идеология жөніндегі орынбасарлары жастарды тәрбиелеуде. Сондай-ақ, алғашқы әскери дайындық пәні бойынша мұғалімдермен тығыз ынтымақтастық орнатылды. Сонымен қатар, әскери қызмет ардагерлерінің үгіт-насихат жұмыстарының арқасында біз қазір мұндай жағдайларға жол бермейміз", - деді Айдарбеков ОКҚ брифингінде.

Қорғаныс министрлігінің ресми өкілі Руслан Жанғұлиннің айтуынша, мұндай жағдайлар аз.

"Мұндай фактілер бұқаралық ақпарат құралдарында және әлеуметтік желілерде жиі кездеседі, бірақ олардың саны аз. Егер біз жылына 40 мыңға жуық азаматты әскерге шақыратын болсақ, оларды көшеден алып кетудің бірнеше жағдайы болуы мүмкін. Ішкі істер органдары әскерге келмегендерді іздестіруді қамтамасыз етеді және бұл жағдайда полицияның әрекеті заңды. Неліктен азаматтар өздері келмейді? Мұның әр түрлі түсіндірмелері болуы мүмкін: мысалы, ол бір жерде тіркеліп, өзі басқа қалада болуы мүмкін", - деп қосты ол.