Қарағанды облысының екі мыңнан астам тұрғыны qoldau-24/7 мобильді қосымшасын орнатты

28 Қазан, 202012:15 eKaraganda

Қарағанды облысының екі мыңнан астам тұрғыны qoldau-24/7 медициналық сақтандыру қорының мобильді қосымшасын орнатты. Бағдарлама арқылы қарағандылықтар уақытша мәртебе беруге өтінімдер мен медициналық қызметтердің сапасына кері байланыс жібереді.

Естеріңізге сала кетейік, Qoldau-24/7 мобильді қосымшасы 2020 жылдың ақпан айында іске қосылды. Платформа халықтың медициналық сақтандыру қорымен байланысының тағы бір арнасы болды. Қорға өтініш жасау үшін, жүктегеннен және тіркегеннен кейін "бізге жазыңыз" түймесін басып, аймақты, медициналық ұйымды және өтініштің себебін (консультация, шағым немесе уақытша мәртебе беру) көрсету қажет.

"Уақытша мәртебе беру туралы өтінішті жеңілдікті санатқа жататын, бірақ қандай да бір себептермен сақтандырылмаған азаматтар жібере алады. Бұдан басқа, қолданыстағы жеңілдікті санатты растайтын құжатты бекіту қажет", - деп толықтырды медициналық сақтандыру қорының Қарағанды филиалы бөлімінің сарапшысы Жанар Ракишева.

Qoldau-24/7 қосымшасында медициналық ұйымға шағым немесе алғыс қалдыруға, медициналық сақтандыру жүйесіндегі құқықтардың бұзылғаны туралы хабарлауға, мәртебесі, жарналарды төлеу тәсілдері және МӘМС жүйесі туралы басқа да мәселелер бойынша кеңес алуға болады.

Qoldau-24/7 қосымшасын медициналық сақтандыру қорының сайтынан жүктеуге болады fms.kz -Android үшін тікелей жүктеу сілтемесі https://files.fms.kz/s/tdEWZ8u7rFZccKh. iPhone үшін https://apps.apple.com/kz/app/qoldau-24-7/id1494498169