Сенат бірінші оқылымда экология және экономика мәселелері бойынша түзетулерді мақұлдады

Қорытындыда Заң ҚР экологиялық заңнамасын жетілдіру мақсатында әзірленгені көрсетілген.

"Заңда экологиялық саланы цифрландыруға, қалдықтарды басқару жүйесін жетілдіруге, Климаттық реттеу тетіктерін дамытуға, сондай – ақ экологиялық бақылау мен қадағалаудың тиімділігін арттыруға бағытталған Қазақстан Республикасының бірқатар заңнамалық актілеріне өзгерістер мен толықтырулар енгізу көзделеді", - делінген құжатта.

Заңның негізгі нормалары:

- экологиялық саланы цифрландыру және Экологиялық реттеу мен бақылауды жетілдіру;

- көміртекті офсет және климаттық қаржыландыру тетіктерін дамыту;

- қалдықтарды басқару және қайталама ресурстарды қайта өңдеу жүйесін жетілдіру;

- өндірушілердің (импорттаушылардың)кеңейтілген міндеттемелері қағидатын іске асыруды жетілдіру;

- Ұлттық гидрометеорологиялық қызметтің қызметін жетілдіру;

- мемлекеттік экологиялық сараптама және қоғамдық тыңдаулар өткізу рәсімдерін жетілдіру;

- инвестициялық жобалар мен көмірсутектерді барлау жөніндегі жобалар үшін (теңіздегі көмірсутектерді барлауды қоспағанда)экологиялық рұқсаттар мен қорытындылар алу мерзімдерін қысқарту;

-қалдықтарды басқару және қайталама ресурстарды қайта өңдеу жүйесін ұйымдастырушылық-техникалық және ақпараттық қамтамасыз ету тәртібін, сондай-ақ қалдықтармен және қайталама ресурстармен жұмыс істеу саласындағы іс-шараларды қаржыландыру тәртібін бекіту жөніндегі уәкілетті органның құзыретін бекіту;

- коммуналдық қалдықтарды жинау, сұрыптау және көму орындарын ұйымдастыру бойынша ауылдардың, кенттердің және ауылдық округтердің жергілікті атқарушы органдарының құзыретін бекіту;

- қалдықтарды тұрақты есепке алу нысанын және оны толтыру жөніндегі нұсқаулықты бекіту арқылы қалдықтарды есепке алу жүйесін жетілдіру;

- мемлекеттік орман қоры аумағында өртті ерте анықтау;

- БҰҰ-ның Климаттың өзгеруі туралы негіздемелік конвенциясы шеңберінде Париж келісімінің 6-бабының Климаттық қаржыландыру қағидаларын және нарықтық тетіктерін іске асыру қағидаларын бекіту жөніндегі уәкілетті органның құзыретін бекіту;

- ақбөкен дериваттарының сауда жүйесінің операторын, оның өкілеттіктерін және ақбөкен дериваттарын іске асыру тәртібін айқындау.