Ұлттық ұланда "сарбазға прокурорлық кеңес" акциясы өтті

Қазақстан Республикасының Бас прокуроры Берік Асыловтың мерзімді қызметтегі әскери қызметшілермен кездесуіне басты назар аударылды. Сарбаздар өздерін қызықтыратын сұрақтар қоюға және қызмет өткерудің құқықтық аспектілері, заңдылықты сақтау және өз құқықтарын қорғау бойынша егжей-тегжейлі түсініктемелер алуға мүмкіндік алды. 

"Ұлттық Ұлан құрылған сәттен бастап қалыптасу мен жаңғыртудың маңызды жолынан өтті. Бүгінгі таңда бұл кәсіби, мобильді және заманауи құрылым. Қиын кезеңдерде, қоғамдық қауіпсіздікті қамтамасыз ету және дағдарыстық жағдайларға ден қою кезінде сіз үнемі төзімділік, тәртіп пен антқа адалдықты көрсетесіз", - деп атап өтті Бас Прокурор.

Кездесу қорытындысы бойынша Бас Прокурордың алғыс хаттарымен қоғамдық тәртіп пен қауіпсіздікті қамтамасыз ету жөніндегі қызметтік-жауынгерлік міндеттерді орындау кезінде ерекшеленген офицерлер мен әскери қызметшілер марапатталды.

Іс-шара аясында қонақтар үшін демонстрациялық бағдарлама ұйымдастырылды. Саптық шеруде жауынгерлік дайындық элементтері, сондай-ақ Ұлттық ұланның құрметті қарауыл ротасының дефилесі көрсетілген.

Қатысушыларға қару-жарақ, әскери техника және жабдықтар көрмесі ұсынылды. Қоғамдық қауіпсіздікті қамтамасыз ету кезінде қолданылатын автокөліктің, броньды техниканың, ұшқышсыз ұшу аппараттарының және техникалық құралдардың заманауи үлгілері көрсетілді.

Сонымен қатар, қонақтарға құқықтық тәртіп әскерлерінің қызметтік-жауынгерлік қызметіне енгізілген цифрлық шешімдер көрсетілді: бейнеаналитика және жасанды интеллект элементтері бар бейнебақылау жүйелері, тамақтану сапасын электрондық бағалау, психологиялық диагностика кабинеті, сондай-ақ әскери қызметшілерді туыстарымен байланыстыруға арналған бейне таксофондар. Ұсынылған әзірлемелер қонақтар тарапынан жоғары бағаланды.

Іс-шара "солдат ботқасының" дәмін татып, Бас прокуратура ардагерлеріне Ұлттық ұлан әскери қызметшілері формасының айрықша элементі ретінде крап тельнястарын табыстаумен аяқталды.

Өткізілген акция әскери қызметшілердің құқықтық сауаттылығын арттыру және "Заң және тәртіп"қағидатын нығайту үшін маңызды алаңға айналды.

ҚР ІІМ Ұлттық ұланының баспасөз қызметі