Қазақстандағы әлеуметтік қызметтер порталы арқылы мүгедек адамдар 111 мыңнан астам қызмет алды

Оның ішінде техникалық оңалту құралдарына шамамен 75,4 мың ,овогоау тілі қызметтеріне — 7,2 мың, жеке көмекшінің қызметтеріне — 23,8 мың, санаторий — курорттық емдеуге-5,2 мың.

Портал мүгедек адамдарға оңалтудың техникалық құралдары мен қызметтерін өндіруші мен жеткізушіні өз бетінше таңдауға мүмкіндік береді. Көмек түріне тапсырыс беру көрсетілетін қызметті алушының электрондық цифрлық қолтаңбасымен растау арқылы жүзеге асырылады. Тапсырыс берілген техникалық оңалту құралдарын жеткізу немесе алып кету арқылы алуға болады.

Мүгедектігі бар адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдарды, сондай-ақ кресло-арбаларды беруді қамтиды.

Бүгінгі күні порталда 607 арнаулы әлеуметтік қызмет көрсетушілер, 1022 ОТҚ жеткізушілері, 32 мыңнан астам жеке көмекші, 785 – жестау тілі және 132 – санаторий-курорттық емдеу қызметтерін жеткізушілер тіркелген.

Порталды пайдалану бойынша консультацияларды қолдау байланыс орталығынан алуға болады, оған 1414 бірыңғай нөмірі арқылы хабарласуға болады.