Қазақстанда жыл соңына дейін студенттерге арналған 29 жатақхана салынады

"Оқу жылының басында студенттер үшін маңызды мәселелердің бірі жатақханаға орналасу болып табылады. Өткен оқу жылында жатақханаларда орын тапшылығы тек Астана және Алматы қалаларында байқалды. Биыл Алматы жоғары оқу орындарын қоспағанда, басқа өңірлерде орын тапшылығы жоқ", - деді министр Үкімет отырысында.

Оның айтуынша, 2025 жылы 10 439 орындық 29 жатақхананы пайдалануға беру жоспарлануда. Оның ішінде ЖОО үшін 8 325 орындық 20 жатақхана, колледждер үшін 2 114 орындық 9 жатақхана бар.

Бүгінгі таңда 3 528 орындық 4 жатақхана іске қосылды: Түркістандағы ЖОО студенттері үшін – 652 орындық 2 жатақхана, Астанада – 2 876 орындық 2 жатақхана.

Қыркүйекке дейін 4228 орындық 19 жатақхана пайдалануға беріледі деп күтілуде:

• ЖОО студенттері үшін-3 052 орындық 11 жатақхана (Астана қ., Алматы қ., Абай облысы);
• колледж студенттері үшін-1 116 орындық 8 жатақхана (Алматы қ., Шымкент қ., Ақмола, Қостанай, Алматы, Жамбыл, Түркістан облыстары).

Сонымен қатар, жыл соңына дейін 2 683 орындық 6 жатақхана салу жоспарлануда:

• ЖОО студенттері үшін – Алматы қаласында 1 745 орындық 5 жатақхана,
• колледж студенттері үшін – Астана қаласында 938 орындық 1 жатақхана.