Қазақстан Африкада сирек кездесетін минерал сатып ала бастайды

Спикер Руанда Президентінің Қазақстанға сапары аясында "Самұрық-Қазына" Rwanda Mines, Petroleum and Gas Board компанияларымен ынтымақтастық туралы келісімге қол қойып отырғанын атап өтті.

"Бұл олардың минералды-шикізат кешенін дамытуға және пайдалануға жауапты Руанда мемлекеттік органы. Руанда-Африка континентінің шығыс бөлігінде орналасқан, табиғи ресурстарға бай ел. Салыстырмалы түрде шағын ел, бірақ оның бериллийдің айтарлықтай ресурстары бар. Үлбі металлургия зауытына (ҮМЗ) иелік ететін "Қазатомөнеркәсіп" еншілес компаниясы бериллийді Руандадан Қазақстанға жеткізуді қарастыруға ниетті", – деп толықтырды Нұрлан Жақыпов.

Оның айтуынша, ҮМЗ металл бериллий өндірудің бірегей технологиясына ие, яғни ҮМЗ концентратынан берілген сипаттамалары бар металл бериллий өндіреді.

"Бериллий-телекоммуникация саласында, жартылай өткізгіштерде, аэроғарыш және қорғаныс өнеркәсібінде қолданылатын маңызды минералдардың бірі. Сондықтан бұл келісім Руандамен экономикалық және саяси қатынастарды нығайтады. Жылдық мәнде ҮМЗ құрамында 8% бериллий оксиді бар шамамен 1500 тонна бериллийді өңдей алады", - деді Нұрлан Жақыпов.

Руандадан жеткізілімдердің болжамды көлемі туралы сұраққа ол бұл мәселе тар шеңберде талқыланады деп жауап берді, өйткені бір жағынан ол коммерциялық сипатта, ал екінші жағынан талқылау бастапқы кезеңде. Ол сондай-ақ жеткізілім осы жылдың басында басталуы мүмкін екенін айтты.

"Руандадан бериллий концентраты сатып алынады, яғни шикізат сатып алынады, содан кейін ол соңғы металға дейін өңделеді", – деп бөлісті "Самұрық-Қазына"басшысы.