Қазақстанның жазғы лагерьлерінде кім тегін демала алады

Фото: Александр Павский / Kazinform

30 Сәуір, 202520:50

«Казинформ»

Жазғы лагерьлерде тегін болуға үміткер балалардың бірнеше санаты бар, деп хабарлайды kazinform тілшісі.

Олардың ішінде:

мемлекеттік атаулы әлеуметтік көмек алуға құқығы бар отбасылардан, сондай-ақ жан басына шаққандағы орташа табысы ең төменгі күнкөріс деңгейінен төмен мемлекеттік атаулы әлеуметтік көмек алмайтын отбасылардан шыққан мемлекеттік білім беру мекемелерінің білім алушылары мен тәрбиеленушілері;
жетім балалар;
ата-анасының қамқорлығынсыз қалған балалар;
ТЖ салдарынан шұғыл көмек талап ететін отбасылардан шыққан балалар;
білім беру ұйымының алқалы органы айқындайтын білім алушылар мен тәрбиеленушілердің өзге де санаттары.

Қайда бару керек

Сіз өтініш бере аласыз:

облыстардың, республикалық маңызы бар қалалардың, астананың білім басқармалары, аудандардың, облыстық маңызы бар қалалардың білім бөлімдері, білім беру ұйымдары;
"Азаматтарға арналған үкімет" мемлекеттік корпорациясы;
"электрондық үкіметтің"веб-порталы арқылы онлайн.

Қандай құжаттарды ұсыну қажет:

өтініш;
жеке куәлік;
баланың туу туралы куәлігі электрондық нысанда немесе оның көшірмесі қағаз жеткізгіште;
неке қию немесе бұзу туралы куәліктің көшірмесі;
№ 071/е нысанына сәйкес сауықтыру лагеріне кететін оқушыға медициналық анықтама;
мәртебені растайтын құжаттың көшірмесі.

Қызмет құжаттарды тапсырған сәттен бастап 5 жұмыс күнінен бастап қаралады.

Жазғы демалыс бағдарламасы Еңбек және шығармашылық қызметті, туристік және танымдық бағыттарды, зияткерлік және білім беру іс-шараларын, сондай-ақ халықаралық жобалар мен форумдарға қатысуды қамтиды.

Тақырып бойынша сілтемелер30 СәуірЖаңа басқармалар Қазақстан әкімдіктері жанынан құрылады