Қарағанды облысында тегін кәсіптік курстарда оқуға өтінімдер қабылданады

Сурет: gov.kz

1 Сәуір, 202516:20

Акимат Карагандинской области

Қарағанды облысының өңірлік мансап орталықтарында жұмыссыздарды тегін қысқа мерзімді кәсіптік оқытуға өтінімдер қабылдануда. Курстардың ұзақтығы-біліктілік пен дағдылардың ерекшеліктеріне қарай 3 айдан 6 айға дейін, деп хабарлайды Қарағанды облысының әкімдігі.

Кәсіптік оқытудан Қазақстан азаматтары мен жұмыссыздар қатарындағы қандастар өте алады.
Курстар аяқталғаннан кейін куәліктер немесе сертификаттар беріледі. Оқудан өткендер тұрақты жұмыс орындарына орналастырылады.

Бұл жолы келесі мамандықтар бойынша оқыту курстары өтеді: электр жабдықтарын жөндеу жөніндегі электрослесарь, бағдарламалық қамтамасыз етуді әзірлеуші, бухгалтер-кассир, компьютерлік аппараттық құрал операторы, пішуші, тігінші және басқалар. Олардың барлығы жұмыс берушілердің тапсырысы бойынша құрылған.

Оқу кезінде стипендия төленеді, сондай-ақ тұруға, жол жүруге және медициналық тексеруден өтуге материалдық көмек беріледі.

Қосымша ақпарат алу үшін өңірлік мансап орталықтарына, сондай – ақ Қарағанды облысының еңбек ұтқырлығы орталығына 60-50-50, 60-50-66, WhatsApp-8-775-644-35-80 нөмірлері бойынша хабарласуға болады.

Осы материал туралы пікіріңізді Біздің Instagram-да бөлісіңіз сілтеме