1 сәуірде Қарағанды облысы мектептерінің бірінші сыныптарына құжаттарды қабылдау басталады

Сурет: gov.kz

26 Наурыз, 202512:34

Акимат Карагандинской области

Қарағанды облысында бірінші сыныпқа қабылдау үшін өтініштер қабылдау 1 сәуірде басталып, 31 тамызға дейін жалғасады, деп хабарлайды Қарағанды облысының әкімдігі.

Мектептер бірінші сыныпқа алты жастағы балаларды және 2025 жылдың соңына дейін алты жасқа толған балаларды қабылдайды. Мектептерге қызмет көрсету аумағы бекітілген. Қабылдау кезінде даярлық деңгейіне қарамастан қызмет көрсету аумағында тұратын барлық балалардың қолжетімділігі қамтамасыз етіледі.
Құжаттарды электрондық үкімет порталы арқылы беруге болады egov.kz, жергілікті атқарушы органдардың ақпараттық жүйелері, сондай-ақ қағаз түрінде.

Қазақстан азаматтары үшін қажетті құжаттар:

1) ата-анасының немесе басқа да заңды өкілдерінің өтініші;

2) № 065-у нысанындағы медициналық анықтама (профилактикалық егу картасы) және №052-2/у баланың денсаулық паспорты;

3) өлшемі 3х4 см фотосурет (2 дана)

Шетел азаматтары үшін:

- ата-аналар немесе баланың басқа заңды өкілдері біздің елде уақытша немесе тұрақты тұруы керек. Шетелдік азаматтар мектепке тұрғылықты жері бойынша тіркелгені туралы белгімен бірге Қазақстанда тұрақты тұру құқығы туралы құжатты ұсынуы тиіс.

Өтінімдер демалыс және мереке күндерін қоспағанда, дүйсенбіден жұмаға дейін қабылданады.

Қарағанды қаласының жалпы білім беретін мектептеріне қабылдау мәселелері бойынша 50-78-81 телефоны бойынша хабарласуға болады.