Қазақстандықтардың зейнеткерлікке шыққаннан кейін жұмысын жалғастыруға құқығы бар ма

Ведомствоның ақпаратына сәйкес, елде жұмысын жалғастырып жатқан зейнеткерлердің есебі жүргізілмейді.

"Зейнеткерлік жасқа толған адамдар зейнетақы алады және оларды жұмыс іздеуші ретінде тіркеуге болмайды. Сонымен қатар, әлеуметтік кодекстің 99-бабына сәйкес зейнеткерлік жасқа толған адамдар жұмыссыз ретінде тіркелмейді. Осыған байланысты Жұмыспен қамту органдары зейнеткерлік жасқа толған жұмысқа орналастырылған адамдардың мониторингін жүзеге асырмайды. Жұмысқа орналасу мониторингі міндетті зейнетақы жарналарын төлеу фактісі негізінде жүзеге асырылады", - деп хабарлады ведомство редакцияның сұрауына жауап ретінде Tengrinews.kz.

Министрлік жұмыс күшіне жұмыспен қамтылған және жұмыссыз халық кіретінін, ал зейнеткерлік жасқа толған адамдар жұмыс күшінің құрамына кірмейтінін, алайда өз бетінше жұмысқа орналасуға құқығы бар екенін еске салды.

"Бұл ретте зейнеткерлік жасқа толған қызметкермен еңбек шарты, егер ол жоғары кәсіби және біліктілік деңгейіне ие болса және жұмыс қабілетін сақтаса, жыл сайын шектеусіз ұзартылуы мүмкін. Осылайша, зейнеткерлік жасқа толған адамдар үшін еңбек қызметін жалғастыру бойынша қандай да бір шектеулер көзделмеген", - делінген жауапта.