Қазақстанда шот-фактураларды жазып беру кезінде биометрияны талап ете бастады: Бұл не берді

"Сәйкестендіруден өтпеген 2000 адамның ЭШФ шығару әрекеттерінің алдын алу мүмкін болды. Бұдан басқа, жаңа Салық кодексінің жобасында ҚҚС әкімшілендіруді жақсарту үшін ЭШФ автоматтандырылған бақылауын енгізу жоспарлануда. Жүйе нақты уақыт режимінде деректерді талдайды және салық төлеушінің ҚҚС балансын есептейді. Егер ЭШФ үзінді көшірмесі заңды шығындармен расталмаса, құжатты салық төленгеннен кейін ғана рәсімдеуге болады. Бұл тәсіл жалған мәмілелердің алдын алады және бақылау тетігі адал қатысушыларды шектемей, тәуекел тобындағы салық төлеушілерге қолданылады", – деді комитет.

Өткен жылы МКК тауарларды нақты жөнелтусіз және қызмет көрсетусіз 300 млрд теңгеден астам шот-фактураларды жазып берген 2000-нан астам салық төлеушіні анықтады.

"Салық төлеушілер жұмысшыларсыз, қажетті материалдық базасыз және үшінші тұлғалардың қызметтерін тартпай құрылыс қызметтерін көрсететін жағдайлар табылды. Бір айдан аз уақыт бұрын құрылған бір компания ағылшын тілі курстарына 3,5 млрд теңге сомасында шот-фактуралар жазды, оны ол небәрі 24 күнде өткізді. Кейіннен осы компанияны тіркеу жарамсыз деп танылды", – делінген хабарламада.