Қазақстанда бір мекенжай бойынша жаппай тіркелгені үшін жауапкершілікті күшейте алады

Сурет: freepik

6 Наурыз, 202519:30

«Казинформ»

Ұлттық экономика Вице-министрі Бауыржан Омарбеков азаматтарды бір мекенжай бойынша жаппай тіркегені үшін тұрғын үй иелері үшін қандай жауапкершілік қарастырылғанын айтты, деп хабарлайды kazinform агенттігінің тілшісі.

Оның айтуынша, қазіргі уақытта адамдардың тіркеусіз тұруына жол бергені үшін тұрғын үй иелеріне 10 АЕК мөлшерінде айыппұл салынады.

Тақырып бойынша сілтемелер3 НаурызҚазақстанда тұрғын үй сатып алу кезінде қолма қол ақшасыз есеп айырысу және ҚҚС енгізіледі

"Заң жобасымен аталған бұзушылық үшін жауапкершілік екі есеге артады деп болжап отырмыз. Яғни, егер заң жобасы қабылданса, айыппұл 20 АЕК болуы мүмкін. Бұл бұзушылыққа жол берген тұрғын үй иелеріне қатысты", - деді Бауыржан Омарбеков Үкіметте өткен брифингте.

Оның айтуынша, жауапкершілік ХҚКО қызметкерлері үшін де қарастырылатын болады.

"Мұнда басқа жауапкершілік болады. Егер бұл бұрмалау болса, онда тіпті Халыққа қызмет көрсету орталықтарының қызметкерлері үшін қылмыстық", – деп қорытындылады Б.Омарбеков.