Қарағанды облысында бірнеше басқарма қайта құрылуда

Сурет: nv.kz

28 Ақпан, 202510:36

«Казинформ»

Қарағанды облысында шығындарды оңтайландыру үшін бірқатар басқармаларды қайта құру туралы шешім қабылданды, деп хабарлайды kazinform агенттігінің тілшісі.

Қарағанды облыстық мәслихатының депутаттары кезектен тыс, ХХІІІ сессияда өңірді басқарудың жаңа схемасын бекітті. Қайта ұйымдастыру жергілікті мемлекеттік басқарудың тиімділігін арттыру және шығындарды оңтайландыру үшін жүргізіледі.

"Өңірді басқарудың қолданыстағы схемасына өзгерістер енгізу шығыстарды оңтайландыруды, бейінді емес функцияларды қысқартуды және бюджет қаражатын үнемдеуді көздейді", - деп атап өтті Қарағанды облысы әкімі аппаратының басшысы Галан Ғалиев.

Бірнеше басқармалар біріктіріледі: ауыл шаруашылығы және жер қатынастары; кәсіпкерлік және өнеркәсіп; қаржы және мемлекеттік активтер. Сыртқы байланыстар функциясы бар туризм басқармасы да құрылады.