Қазақстан Қорғаныс министрлігі өнеркәсіп саласында жаңа өкілеттіктерге ие болды

Сурет: ortcom.kz

24 Ақпан, 202518:50

«Казинформ»

Қазақстан президенті Қасым-Жомарт Тоқаев "Қазақстан Республикасының Мемлекеттік басқару жүйесін одан әрі жетілдіру жөніндегі шаралар туралы" 2025 жылғы 13 ақпандағы Жарлыққа қол қойды, деп хабарлайды kazinform агенттігі.

"ҚР Қорғаныс министрлігі оған ҚР өнеркәсіп және құрылыс министрлігінің функциялары мен өкілеттіктерін бере отырып, қайта құрылсын", — делінген мәтінде.

Тақырып бойынша сілтемелер24 АқпанҚорғаныс министрлігі әскерге шақырылушыларға арналған несиелерді тоқтата тұру тәртібін түсіндірді

Олардың қатарына мыналар кіреді:

мемлекеттік қорғаныс тапсырысын қалыптастыру, басшылық ету және салааралық үйлестіру;
әскери-техникалық ынтымақтастықты жүзеге асыру;
әскери мақсаттағы тауарлар мен өнімдерге, қос мақсаттағы тауарлар мен өнімдерге, сондай-ақ мемлекеттік қорғаныс тапсырысы шеңберіндегі жұмыстар мен қызметтерге баға белгілеу.

"ҚР Қорғаныс министрлігі берілетін функциялар мен өкілеттіктерге сәйкес ҚР өнеркәсіп және құрылыс министрлігінің құқықтары мен міндеттемелерінің құқықтық мирасқоры болып белгіленді", — делінген құжатта.

Үкіметке:

ҚР Президенті Әкімшілігінің келісімі бойынша қайта ұйымдастырылатын мемлекеттік органдар мен ведомстволық бағынысты ұйымдардың штат саны қайта бөлінсін;
осы Жарлықты іске асыру үшін өзге де шаралар қабылдансын.

Жарлық 2025 жылдың 13 ақпанынан бастап күшіне енді.