Археологиялық жұмыстар Қазақстанда жаңаша жүргізілетін болады

Мәселен, Ережеге археология ескерткіштеріндегі немесе тарихи-мәдени мұра объектілеріндегі археологиялық жұмыстар уәкілетті орган бекіткен жеке және заңды тұлғалар әзірлеген археологиялық жұмыстар мен ғылыми жобалардың жоспары негізінде жүзеге асырылады.

Жоспардан тыс археологиялық жұмыстарды жүргізуге жол берілмейді.

Археологиялық жұмыстар жоспарын уәкілетті орган алдағы күнтізбелік жылға мемлекеттік органдар мен жергілікті атқарушы органдардың, сондай-ақ жеке және заңды тұлғалардың ұсыныстарын ескере отырып қалыптастырады.

Мемлекеттік органдар мен жергілікті атқарушы органдар, сондай-ақ жеке және заңды тұлғалар уәкілетті органға ұсыныстарды жоспарланатын жылдың алдындағы жылдың 1 тамызына дейінгі мерзімде табыс етеді деп көзделеді.

Уәкілетті орган ғылыми-реставрациялау жұмыстарының алдын ала жоспарын қалыптастыруды жоспарланатын жылдың алдындағы жылдың 1 қазанына дейінгі мерзімде және жоспарланатын жылдың алдындағы жылдың 1 желтоқсанына дейінгі мерзімде қамтамасыз етеді.

Бекітілген археологиялық жұмыстар жоспарына өзгерістер енгізуді уәкілетті орган мемлекеттік органдар мен жергілікті атқарушы органдардың, сондай-ақ жеке және заңды тұлғалардың ұсыныстары негізінде жүзеге асырады.

Сондай-ақ, археологиялық жұмыстарды жүзеге асыратын жеке және заңды тұлғалар, олар басталғанға дейін облыстардың, республикалық маңызы бар қалалардың, астананың жергілікті атқарушы органдарына халықаралық және Республикалық маңызы бар тарих және мәдениет ескерткіштеріндегі жұмыстарды қоспағанда, археологиялық жұмыстардың басталғаны туралы хабарлауға міндетті, бұл туралы уәкілетті орган хабардар етіледі.

Құжат "Ашық НҚА" сайтында 6 наурызға дейін жария талқылау үшін орналастырылған.