Дене шынықтыруды дамытуға бюджеттен тыс қаражатты бөлу: өзгерістер енгізілді

Бірыңғай операторды айқындау үшін дене шынықтыру және спорт саласындағы уәкілетті органның жанынан дене шынықтыру мен спортты дамытуға бағытталған бюджеттен тыс ақша қаражатын бөлу жөніндегі бірыңғай операторды айқындау жөніндегі Комиссия құрылады/

Комиссияның жұмыс органы оның қызметін ұйымдастырушылық-техникалық қамтамасыз етуді жүзеге асыратын ҚР Туризм және спорт министрлігінің Спорт және дене шынықтыру істері комитеті болып табылады.

Комиссия мемлекеттік органдардың, үкіметтік емес ұйымдардың (ҮЕҰ), мемлекеттік және мемлекеттік емес дене шынықтыру және спорт ұйымдарының өкілдерінен тұрады.

Бұл ретте комиссия құрамындағы мемлекеттік органдардың өкілдері Комиссия мүшелерінің жалпы санының үштен бірінен аспайтын бөлігін құрайды. Әрбір ҮЕҰ-дан, мемлекеттік және мемлекеттік емес дене шынықтыру және спорт ұйымдарынан комиссия құрамына тек бір ғана өкіл кіреді.

Комиссия төрағасы ҚР Туризм және спорт министрі болып табылады.

Комиссия төрағасы отырыстарға төрағалық етеді, оның қызметін жоспарлайды және басқарады, оның шешімдерінің іске асырылуына жалпы бақылауды жүзеге асырады. Комиссия төрағасы болмаған жағдайда төрағаның функциялары Комиссия төрағасының орынбасарына жүктеледі.

Сондай-ақ, атап айтқанда, конкурсқа қатысу үшін корпоративтік қор нысанында коммерциялық емес ұйым ұсынатын конкурстық өтінім Комитетке жіберілетіні және мыналарды қамтитыны нақтыланады:

- есепке алу Мемлекеттік кірістер органдарында жүргізілетін берешектің жоқ (бар) екендігі туралы мәліметтер.

Бұйрық 2025 жылғы 18 ақпаннан бастап қолданысқа енгізіледі.