Мемориалдық тақталарды орнатуға рұқсат беру электрондық форматқа ауыстырылады

Атап айтқанда, түзетулер мемлекеттік қызмет көрсету процесін электрондық (ішінара автоматтандырылған) форматқа ауыстыруды көздейді.

Осыған байланысты рұқсат беру мерзімі өтініш түскен сәттен бастап бес күннен екі жұмыс күніне дейін қысқарады.

Бұл ретте құжаттар топтамасы толық ұсынылмаған жағдайда көрсетілетін қызметті беруші көрсетілген мерзімдерде электрондық құжат нысанында өтінішті одан әрі қараудан дәлелді бас тартуды дайындайды және оны өтініш берушіге порталдың жеке кабинетіне жібереді.

Бұдан басқа, мемлекеттік қызметті беру мерзімдерін оңтайландыру шеңберінде консультативтік-кеңесші органның мәселені қарауы алынып тасталады. Бұған дейін құжаттарды арнайы комиссия қараған болатын.

Сондай-ақ, мемлекеттік қызмет көрсетуден бас тарту үшін негіздер болмаған кезде жауапты орындаушы бір жұмыс күні ішінде мемориалдық тақта орнатуға рұқсат жобасын дайындайды және басшыға не оның міндетін атқарушы адамға бұрыштама қоюға (қол қоюға) жолдайды.

Бұрыштама қойылғаннан (қол қойылғаннан) кейін көрсетілетін қызметті берушінің басшысы мемлекеттік қызмет көрсету нәтижесінің жобасы келіп түскен сәттен бастап екі жұмыс күні ішінде ЭЦҚ рұқсатына қол қояды. Мемлекеттік қызметті көрсету нәтижесі көрсетілетін қызметті алушыға электрондық құжат нысанында "жеке кабинетке" жіберіледі.

Құжат 24 ақпанға дейін ашық талқылау үшін "Ашық НҚА" сайтында орналастырылған.