Қазақстандықтар 1 трлн теңгеге жуық әлеуметтік төлем алды

Сурет: gov.kz

8 Ақпан, 202514:36 inbusiness.kz

Мемлекеттік әлеуметтік сақтандыру қоры бес тәуекелді қолдайды. 2024 жылы шамамен 1,4 млн қазақстандық Мемлекеттік әлеуметтік сақтандыру қорынан бес әлеуметтік тәуекел бойынша жалпы сомасы 958,3 млрд теңгеге әлеуметтік төлем алды, деп хабарлайды inbusiness.kz Еңбек және халықты әлеуметтік қорғау министрлігіне сілтеме жасай отырып.

2024 жылы еңбек ету қабілетінен айырылу жағдайы бойынша төлемді 102 мыңнан астам адам 46,6 млрд теңге сомасына алды, бұл 2023 жылмен салыстырғанда 20% - ға артық. Белгіленген төлемнің ай сайынғы орташа мөлшері 60 407 теңгені құрады.

Тақырып бойынша сілтемелер8 АқпанҚазақстандықтардың тек 25 пайызы ғана елдегі тұрғын үйдің қолжетімділігіне қанағаттанған

Асыраушысынан айырылу жағдайы бойынша әлеуметтік төлемді 2024 жылы асыраушысынан айырылған 67,9 мың отбасы 33,8 млрд теңге сомаға алды, бұл 2023 жылмен салыстырғанда 26% - ға артық. Белгіленген төлемнің ай сайынғы орташа мөлшері 64 772 теңгені құрады.

Өткен жылы жұмысынан айырылу жағдайы бойынша әлеуметтік төлем 88,2 млрд теңге сомасына жүзеге асырылды, оны 293,6 мың адам алды, бұл 2023 жылғы алушылар санынан 31% - ға артық. Белгіленген төлемнің ай сайынғы орташа мөлшері 81 500 теңгені құрады.

Жүктілікке және босануға, жаңа туған баланы (балаларды) асырап алуға байланысты табысынан айырылу жағдайы бойынша әлеуметтік төлемді жалпы сомасы 385,6 млрд теңгеге 245,7 мың болашақ ана алды, бұл 2023 жылы төленген сомадан 11% - ға артық. Тағайындалған төлемнің орташа мөлшері 1 621 299 теңгені құрады.

Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем 2024 жылы 276,8 мың адамға тағайындалды және ай сайынғы орташа төлем мөлшері 86 758 теңгені құрады.

2024 жылы барлығы 672,6 мың адам төлем алушы болды. Төлем 404,1 млрд теңге сомасына жүргізілді, бұл 2023 жылғы сомадан 1,4 есе көп.