Қазақстанда төлқұжатты кім тегін ала алады

Коллаж: Kazinform

7 Ақпан, 202515:38

«Казинформ»

Өткен жылы 102 мың қазақстандық паспортты ресімдегені үшін баж төлеуден босатылды, деп хабарлайды kazinform агенттігінің тілшісі.

ІІМ Көші-қон қызметі комитеті халықты құжаттандыру басқармасының аға инспекторы Айнұр Байгеленова азаматтардың кейбір санаттары мемлекеттік құжатты алу үшін баж төлеуге міндетті емес екенін айтты.

ҚР Салық кодексінің 622-бабына сәйкес азаматтардың 9 санатының паспортын (мемлекеттік баж төлемей) тегін алуға болады:

Ұлы Отан соғысының ардагерлері және оларға теңестірілген тұлғалар;
Кеңес Одағының Батырлары;
Социалистік Еңбек Геро;
барлық топтағы мүгедектер;
бала кезінен мүгедек немесе мүгедек баланың ата-анасының бірі;
қарттар мекемелерінде тұратын қарт адамдар;
балалар үйлерінде немесе интернаттарда тұратын жетім балалар мен ата-анасының қамқорлығынсыз қалған балалар;
"Алтын алқа" және "Күміс алқа"ордендерімен марапатталған көп балалы аналар;
Чернобыль апатынан зардап шеккен азаматтар.

"Барлық шарттар ішкі істер министрлігінің 2020 жылғы 30 наурыздағы № 267 бұйрығында жазылған. Егер баланың мүгедектігі болса, өз аймағындағы халыққа қызмет көрсету Орталығына хабарласу қажет. Ата-аналардың бірі баланың туу туралы куәлігін көрсетіп, өтініш беруі керек. Чернобыль апатынан зардап шеккен азаматтар, сондай — ақ Ұлы Отан соғысына қатысушылар арнайы куәліктерін көрсете отырып, паспортты тегін ала алады", - деді Айнұр Байгеленова.

Осылайша, кез келген қазақстандық көрсетілген санаттардың біріне жататынын құжатпен растаса, паспортты тегін ала алады. Паспорт өтініш берілгеннен кейін 15 жұмыс күні ішінде дайын болады. Алайда, егер мұндай азаматтар құжатты тезірек алғысы келсе, төлеуге тура келеді.

"Паспортты шұғыл ресімдеу үшін 1,5-тен 3 мың теңгеге дейінгі баж алынады. Бұдан басқа, шұғыл паспорт Астана, Алматы, Шымкент және Ақтауда 1-3 күннен кейін дайын болады. Басқа ірі қалаларда ресімдеу мерзімі пошта арқылы жеткізу уақытына байланысты 3-5 күнді құрауы мүмкін", - деп толықтырды комитет өкілі.

Қалған қазақстандықтар мемлекеттік паспортты алу үшін белгіленген баж салығын төлеуі тиіс.

Тақырып бойынша сілтемелер7 АқпанБасқа елдер үшін мысал-ДДҰ Қазақстанда жастардың энергетиктерін сатуға тыйым салу туралы