Қазақстанда құрылыс салушыларды өз объектілеріне кепілдік мерзімін ұлғайтуға мәжбүрлеу ұсынылады

Оның айтуынша, қазір нысандарға кепілдік 2-3 жылға, сирек жағдайларда 5-10 жылға беріледі.

"Бұл мердігердің сапасыз жұмыстарды жүзеге асыруына, арзан құрылыс материалдарын пайдалануына әкеледі. Болашақта мемлекет осы нысандарды қайта құруға қосымша қаражат жұмсауға мәжбүр болатыны сөзсіз. Біз Ресейде, АҚШ-та, Қытайда, Францияда қолданылатын "он жылдық кепілдік" қағидатын енгізуіміз керек. Тапсырыс берушінің өз қалауы бойынша кепілдік мерзімін белгілеуі сыбайлас жемқорлыққа қарсы тетік болып табылатыны анық", - деп ұсынды депутат.

Осыған байланысты, ол бюджеттен бөлінген әрбір теңгені барлық кезеңдерде: оны бөлуден бастап толық игеруге дейін бақылауға мүмкіндік беретін "боялған ақша" тетігін енгізуді ұсынады.

"Әр санаттағы объектілерді салуға, жөндеуге, реконструкциялауға бөлінген бюджет қаражатын тиімді пайдалану үшін және мердігерлерге деген сенімді арттыратын жауапты бизнесті қалыптастыру үшін өңірлер белгілейтін кепілді мерзімдерді әдеттегі 2-5 жылдан бастап келесі мерзімге дейін бекітуді ұсынамын", - деп жалғастырды Берденов.

Мәселен, жаңа және қайта жаңартылатын азаматтық тұрғын үйлер үшін кепілдік мерзімі: құрылымдық бөлімшеге - 10 жыл, абаттандыруға - 4 жыл, ішкі жұмыстарға – 3 жыл, инженерлік желілерге – 3 жыл болуы тиіс.

Тұрғын және азаматтық ғимараттарды күрделі жөндеу: пайдалануға кепілдік - 3-5 жыл.

Автомобиль жолдары үшін: орташа жөндеуге - 3 жыл, күрделі жөндеуге – 4 жыл, жаңа құрылысқа және қайта жаңартуға-5 жыл.

Жаңа және жаңартылатын инженерлік желілер үшін: пайдалануға кепілдік - 10 жыл.