Өндірісте Қазақстандықтардың мертігу жағдайларының 35% - в жұмыстардың нашар ұйымдастырылуы кінәлі

Өткен жылмен салыстырғанда өндірісте жарақат алу жағдайлары 4,5% - ға азайды. Өндірістік жарақаттану коэффициенті 1000 қызметкерге 0,2 құрады. Жазатайым оқиғалардың ең көп саны тау-кен металлургия (18%) және құрылыс (10%) салаларында тіркелді.

"Жазатайым оқиғалардың негізгі себептері жұмыс өндірісін қанағаттанарлықсыз ұйымдастыру (35,5%), зардап шеккендердің өздеріне дөрекі немқұрайлылық (31%), автожол қозғалысы ережелерін бұзу (8,2%), еңбек қауіпсіздігі және еңбекті қорғау ережелерін бұзу (7,6%) болды", – деп ведомстводан хабарлады.

Сонымен қатар, бүгінде елімізде 3,3 мыңға жуық кәсіпорын еңбек қауіпсіздігі және еңбекті қорғау стандарттарын енгізгені атап өтілді. 600-ден астам компания Vision Zero тұжырымдамасы аясында нөлдік жарақатқа ұмтылуға шешім қабылдады.

"Құрылыс объектілерінде бас мердігердің объектідегі еңбек қауіпсіздігі мәселелері бойынша барлық қосалқы мердігерлерге жауапкершілігі мен бақылауын көздейтін бақылаудың тік моделін енгізу бойынша жұмыс жалғасуда. Бұл бақылау моделін республиканың 318 кәсіпорны енгізді. Бұдан басқа, жұмыс берушілерге еңбекті қорғау талаптарының сақталуын өзін-өзі тексеруден өтуге мүмкіндік беретін "Онлайн еңбек консультанты" электрондық сервисі іске қосылды. Оны қазірдің өзінде 42 985 жұмыс беруші пайдаланды", - деп толықтырды ведомстводан.