Қазақстан туристерге ҚҚС сомасын өтеуді жалғастырады

Сурет: pixabay.com

25 Қаңтар, 202512:09 inbusiness.kz

Әңгіме 20 АЕК-тен кем емес сомаға әкетілетін тауарлар туралы болып отыр. Қазақстанда "такс фри" пилоттық жобасының қолданысы тағы бір жылға ұзартылды, деп хабарлайды ҚазАқпарат inbusiness.kz.

Одаққа мүше мемлекеттердің аумақтары арқылы тауарларды әкетуді қоспағанда, тауарларды ЕАЭО кедендік аумағынан тыс әкету кезінде шетелдік туристерге ҚҚС сомасын өтеу жөніндегі пилоттық жобаны іске асыру қағидалары мен мерзімдерін бекіту туралы ҚР Қаржы министрінің бұйрығы күшіне енді.

Тақырып бойынша сілтемелер25 ҚаңтарНеліктен қыста қолғап кию керек

Туристерге ҚҚС сомасы мынадай жағдайларда өтеледі:

- шет мемлекет Еуразиялық экономикалық одаққа мүше мемлекет болып табылмайды;

- сатып алушы тиісті түрде толтырылған және Мемлекеттік кірістер органының белгісін (жеке нөмірлік мөрін) қамтитын "такс фри" құжатын (чегін) ұсынды;

- "такс фри" құжаттарында (чектерінде) көрсетілген сатып алушы сатып алған тауарлардың жалпы құны кемінде 20 АЕК құрайды;

- Сатып алушы өзі сатып алған тауарларды Астана, Алматы, Шымкент және Түркістан қалаларының халықаралық әуежайларының ғимаратында орналасқан Қазақстан Республикасының Мемлекеттік шекарасын өткізу пункті арқылы ЕАЭО кедендік аумағынан тыс жерге әкетуді жүзеге асырды;

- "такс фри" құжаты (чегі) ресімделген күннен бастап ресімдеу айын қоспағанда, үш айдан аспады.