Қазақстанда компьютерлер мен теледидарлар өндірісі артты

Осы жылдың қаңтар-қараша айларында өнеркәсіп өндірісінің (тауарлар мен қызметтердің) көлемі өткен жылдың сәйкес кезеңімен салыстырғанда 2,7% - ға өсіп, 44,8 трлн теңгені құрады.

Елімізде осы кезеңде 2 496 өндіріс пен кәсіпорын болған, деп хабарлайды Ұлттық статистика бюросы.

Жер қойнауынан 80,3 млн тонна мұнай мен газ конденсаты (-2,2%), 101,3 млн тонна көмір (-4%), 54 млрд текше метр табиғи газ (+1,2%) алынды.

Сондай – ақ, Қазақстанда құрамында алтын бар кендер – 38 млн тонна (-0,5%), темір кендері – 52,7 млн тонна (+22,2%) және мыс кендері-146,5 млн тонна (+7,1%) өндірілді.

Автоөнеркәсіпке келетін болсақ, мұнда айтарлықтай төмендеу байқалады. 11 айда елімізде 113,4 мың жеңіл автомобиль (-8,9%), 6,8 мың жүк көлігі (-17,4%), 2,5 мың автобус, троллейбус және басқа да ірі көлемді автомобильдер (-4,2%), 920 астық жинайтын комбайн (-12%) жиналды.

Бірақ тракторлар көбірек шығарыла бастады – 5,7 мың бірлік (+12,7%), тіркемелер мен контейнерлер сияқты-1,8 мың (+7%).

Сондай – ақ дизельді локомотивтер өндірісі – 5,4% - ға (78 бірлік), теміржол жүк вагондары-алты есеге (2,1 мың бірлік) ұлғайды. Ал жолаушылар вагондары өткен жылдағыдай – 74 шығарылды.

Сонымен қатар, Қазақстанда 22,1 мың компьютер мен 26,9 мың теледидар жиналды. Бұл сәйкесінше 1,5 есе және үш есе көп.

Тамақ өнеркәсібінде 390,8 мың тонна ет және тағамдық қосалқы өнімдер (+4,9%), 34,4 мың тонна балық (-6,1%), 681,9 мың тонна өсімдік майы (+12%) өндірілді.

Сүт өнімдерінің – 3,2 мың тонна қымыз және шұбат (-23%), 29,6 мың тонна сары май (+2,9%), 44,6 мың тонна ірімшік пен сүзбе (+8,7%), 49,3 мың тонна балмұздақ (-3%), 219,3 мың тонна йогурт және басқа да ашытылған сүт өнімдері (+4,6%), 568,2 мың тонна өңделген сүт пен кілегей (өзгеріссіз).