Көру қабілеті бұзылған қазақстандықтар ақпаратқа көбірек қол жеткізе алады

Әділет министрі Азамат Есқараевтың айтуынша, Шарттың мақсаты кедергілерді жою және олардың физикалық қабілеттеріне қарамастан барлық азаматтар үшін білім мен жарияланған жұмыстарға тең қол жеткізуді қамтамасыз ету болып табылады.

"Шарт Уағдаласушы тараптардан соқыр және нашар көретін адамдар үшін қолжетімді форматтарда жарияланған туындыларды көбейтуге, таратуға және көпшілікке қолжетімді етуге мүмкіндік беру үшін авторлық құқықтарға қатысты шектеулер мен ерекшеліктердің стандартты жиынтығын қарастыруды талап етеді", – деді ол.

Айта кетейік, шартты ратификациялау көру қабілеті нашар адамдарға арналған кітаптарға, журналдарға, оқу материалдарына қолжетімділікті кеңейтуге мүмкіндік береді. Бұдан басқа, ол қоғамның мәдени және әлеуметтік өміріне қолжетімділікті қамтамасыз етуге, сондай-ақ осындай адамдар үшін қолжетімді форматтарда жасалған туындылардың даналарымен халықаралық алмасуды жүзеге асыруға мүмкіндік береді.

Осылайша, Марракеш келісімінің ережелері мәтін, ноталық жазба және/немесе олармен байланысты иллюстрациялар түріндегі, жарияланған немесе аудиокітаптарды қоса алғанда, кез келген ақпарат құралдарының көмегімен жалпыға бірдей назарға жеткізілген туындыларға қолданылады.

Ратификациялау көру қабілеті бұзылған немесе өзге де қабілеті шектеулі қазақстандықтарға кітаптарға, журналдарға, оқу материалдарына қолжетімділікті кеңейтуге және қоғамның мәдени және әлеуметтік өміріне тең қолжетімділікті қамтамасыз етуге мүмкіндік береді.