Сыбайлас жемқорлыққа қарсы еріктілер белсенді жұмысын жалғастыруда

Мониторинг жүргізу барысында "аз қамтылған отбасылардан шыққан балаларға арналған №10 жалпы білім беретін мектеп - интернаты" КММ (бұдан әрі – мектеп) басшылығының заңсыз әрекеттері туралы анықталды.

Мектеп мемлекеттік сатып алу сайтында 28 млн теңге сомасына 3,5 млн теңге бірлігіне артық бағамен "оқу жабдықтарының жиынтығын" сатып алатыны анықталды.

Техникалық ерекшелікке сәйкес интернет кеңістігін зерделеу және коммерциялық ұсыныстарды сұрату әдісімен ең жоғары жинақтау жабдығының құны 2,1 млн теңгеден аспайтыны анықталды, асыра бағалау 11 млн теңгеден асты, көрсетілген факт бойынша уәкілетті органдардың атына хат жолданды, сатып алу тоқтатылды.

БАҚ мониторингімен еріктілермен бірлесіп әлеуметтік желілерде жарияланым орнатылды. Розыбакиев пен Березовский көшелерінің қиылысына көшпелі мониторинг жүргізу кезінде шығыс бағытта Березовский көшесі бойынша жол таңбасының дұрыс салынбағаны анықталды.

Ішкі істер министрінің 2023 жылғы 30 маусымдағы №534 бұйрығына сәйкес жол таңбасы белгілі бір режимдер мен қозғалыс тәртібін белгілейді.

Осыған байланысты жол таңбасының дұрыс белгіленбеуі жол қозғалысы ережелерін бұзуға ықпал етеді және қала халқының денсаулығы мен қауіпсіздігіне қауіп төндіреді, сондай-ақ сыбайлас жемқорлық құқық бұзушылықтар жасау үшін алғышарттар жасайды.

Алматы қаласының сыбайлас жемқорлыққа қарсы қызметі азаматтардың қауіпсіздігін қамтамасыз ету және осы учаскеде сыбайлас жемқорлық құқық бұзушылықтардың алдын алу бойынша шараларды қысқа мерзімде қабылдау үшін Алматы қаласының полиция департаменті мен қалалық ұтқырлық басқармасына хат жолдады.

Бұзушылықтар жойылды және бүкіл учаскеде тиісті жол белгілері орнатылды.

Сыбайлас жемқорлыққа қарсы еріктілер халықтың әлеуметтік мәселелерін шешуге ықпал ететін қоғамдық бақылауды қамтамасыз ету жөніндегі жұмысты жалғастыруда.