Қазақстан мектептерінде қысқы демалыстың басталу күні аталды: олар қанша уақытқа созылады

Ведомство еліміздің мектептерінде екінші тоқсанның аяқталуы жақындағанын еске салды.

"Қазақстандық мектептердегі қысқы демалыс 10 күнтізбелік күнге созылады – 2024 жылғы 30 желтоқсаннан бастап 2025 жылғы 8 қаңтарды қоса алғанда", - ҚР Білім министрлігінің баспасөз қызметі.

Білім министрлігінің мәліметінше, қысқы каникул кезеңінде оқушыларды тиімді және қауіпсіз өткізу және жеке тұлғалық дамыту үшін "Біртұтас тәрбие"бағдарламасы аясында іс-шаралар жоспары әзірленген. Мектептегі іс-шаралар жоспарларына білім беру, спорттық, мәдени және шығармашылық іс-шаралар кіреді:

- "Оқуға құштар мектеп" жобасын іске асыру аясында - "қыстау кітап оқимыз, жадымызға тоқимыз"мектепішілік іс-шарасы;
- театр фестивальдері мен қойылымдары;
- жаңа жылдық әшекейлер жасау бойынша мастер-класстар;
- қауіпсіздік сабақтары;
- мұражайларға, ғылыми орталықтарға және тарихи ескерткіштерге танымдық экскурсиялар;
- спорттық ойындар, коньки тебу, шаңғы тебу;
- қайырымдылық акциялары және басқалар.

"Балалардың қауіпсіздігін қамтамасыз ету басты басымдықтардың бірі болып қала береді. Осыған байланысты балалардың қатысуымен болатын жол-көлік оқиғаларының алдын алуға, мектептердегі ішкі тәртіп ережелерін сақтауға, көшедегі қауіпсіздік шараларына, үйдің өрт қауіпсіздігі мен киберқауіпсіздікке ерекше назар аударылады", - деді ҚР Білім министрлігінің баспасөз қызметі

Ведомство бұл іс-шаралар әдістемелік ұсынымдар ретінде білім беру ұйымдарына жіберілетінін атап өтті.