2035 жылға қарай Қазақстан өзін отынмен толық қамтамасыз етеді — Энергетика министрлігі

Министрдің айтуынша, осы мақсатқа жету үшін мұнай өнімдерін өндіруді ұлғайту бойынша шаралар кешені әзірленген: 

• Шымкент МӨЗ: 2030 жылға дейін өндірістік қуаттылықты 6-дан 12 млн тоннаға дейін екі есеге арттыру жоспарлануда. Зауытты мұнаймен қамтамасыз ету үшін Атырау — Кеңқияқ және Кеңқияқ — Құмкөл мұнай құбырларының өткізу қабілеті кеңейтілетін болады.
• Павлодар МӨЗ: 2026 жылға дейін 500 мың тонна қысқы дизель отынын өндіру және мұнай өңдеу қуатын жылына 6 млн тоннаға дейін ұлғайту жөніндегі жобалар іске асырылатын болады. Екінші кезеңде техникалық-экономикалық негіздеме әзірленгеннен кейін зауыттың қуатын 8 млн тоннаға дейін жеткізу жоспарлануда.
• Атырау МӨЗ: 2028 жылға дейін мұнайды қайта өңдеу қуаты жылына 5,5-тен 6,7 млн тоннаға дейін артады, бұл жеңіл мұнай өнімдерінің үлесін 66-дан 77% - ға дейін арттырады.

Ағымдағы жылдың алғашқы 10 айында мұнай өңдеу 15,1 млн тоннаны, ал мұнай өнімдерін өндіру 11,1 млн тоннаны құрады. 2024 жылы мұнай өңдеу 17,9 млн тонна деңгейінде күтілуде, ал 2032 жылға қарай 28 млн тоннаға жету жоспарлануда. Осы уақытқа дейін мұнай өнімдерін өндіру 23,7 млн тоннаға дейін өседі.

"Бұл шаралар ішкі нарықтың қажеттіліктерін толығымен жабуға және ЖЖМ экспортына шығуға мүмкіндік береді", — деп атап өтті Алмасадам Сәтқалиев.

Ішкі нарықты қамтамасыз ететін жетілген кен орындарын қолдау үшін Энергетика министрлігі жаңа бастамалар әзірледі.