Қазақстанда қыздар генетикалық ауруға тексеріле бастайды

Министрдің айтуынша, елімізде жыл сайын 4,5 миллионға жуық бала профилактикалық тексерулермен қамтылады. Атап айтқанда, ағымдағы жылдың 9 айында 3,8 миллион бала қаралды.

"Сонымен қатар, 2025 жылдан бастап 16-17 жас аралығындағы жасөспірім қыздарға жұлын-бұлшықет атрофиясын тасымалдауға скрининг енгізілетін болады",-деді ведомство басшысы Үкімет отырысы кезінде сөйлеген сөзінде.

Оның айтуынша, балаларды мүгедектікке ерте араласу және алдын алу мақсатында МСАК ұйымдарында баланы дамытудың 1500 кабинеті және босандыру ұйымдарында катамнездің 50 кабинеті жұмыс істейді.

2022 жылдан бастап жатырішілік патологияны ерте анықтау үшін ұрықты қорғаудың 20 орталығы жұмыс істейді. Алғаш рет диагноз қойылған патологиялармен ұрықтың 11 жатырішілік операциясы енгізілді және сәтті жүргізілді.

Сондай-ақ, генетикалық аурулар мен туа біткен ақауларды ерте анықтаудың қолжетімділігін жақсарту үшін ағымдағы жылдың 1 наурызынан бастап 10 өңірде "бір күндік Клиника"ашылды. 23 мыңнан астам әйел тексерілді, 201 (1,3 пайыз) өмірге сәйкес келмейтін патологиясы бар баланың туылуына жол бермеді.

"Соңғы 7 жылда бізде мүгедектік санаттары бойынша төмендеді: туа біткен ақаулар, деформациялар және хромосомалық ауытқулар 5,2 пайызға, жүйке жүйесінің аурулары 1,7 пайызға. Сонымен бірге, жүйке-психикалық аурулар балалар мүгедектігі құрылымында жетекші орын ала бастады. Бұл аутизмді ерте анықтау бойынша диагностикалық скринингті енгізуге, аутизм спектрінің бұзылуын диагностикалау мен емдеудің клиникалық хаттамасын бекітуге байланысты", - деп толықтырды Альназарова.