Қазақстанда өңдеу өнеркәсібіндегі өндіріс өсті

Оның сомасы 15 триллион теңгеге жетті, деп хабарлады Премьер-Министрдің бірінші орынбасары Роман Скляр. Үкімет отырысының соңында өткен брифингте ол Президенттің Жолдауында қойылған елдің өнеркәсіптік әлеуетін дамыту жөніндегі міндеттерді іске асыру туралы айтты. Саланың ЖІӨ-ге қосқан үлесі 12,5% құрады. Мұндай өсу металлургия, машина жасау, химия өнеркәсібі және фармацевтика есебінен қамтамасыз етілді.

"Металлургиядағы өсу кәсіпорынды кешенді жаңғыртуды бастаған ұлттық инвестордың "Qarmet" - ке келуімен байланысты. Нәтижесінде өндірістік тұрақтылық, қызметкерлердің орташа жалақысының 13,5% - ға өсуі байқалады. 2024 жылы шамамен 1,3 триллион теңге сомаға 180 жобаны іске қосу жоспарланған. Металлургия, мұнай өңдеу, мұнай-газ химиясы, машина жасау және химия салаларында 17 серпінді жобаны іске асыру ерекше бақылауда", - деді Роман Скляр.

Газ саласына келетін болсақ, жыл соңына дейін тағы 300 мыңнан астам адам көгілдір отынға қол жеткізе алады. Бүгінде бұл көрсеткіш 12 миллион адамнан немесе Қазақстан халқының 60% -. асады. Тамыз айында министрлер кабинетінің басшысы "Талдықорған-Үшарал" магистральдық газ құбырының құрылысын бастады. "Ақтөбе – Қостанай" газ құбырларын және "Бейнеу – Бозой – Шымкент" екінші желісін іске асыру бойынша дайындық жұмыстары жүргізілуде, деп атап өтті бірінші вице-премьер.

"Ресурстық базаны кеңейту мақсатында өткен жылы Анабай, Шығыс Өріктау, Рожковское кен орындары пайдалануға берілді. 2025 жылдан 2030 жылға дейін тағы жеті жобаны іске қосу жоспарланған. Қашаған, Қарашығанақ кен орындарында және Жаңаөзен қаласында төрт газ өңдеу зауытының құрылысы тауарлық және сұйытылған газ өндірісін ұлғайтуға мүмкіндік береді", - деді Роман Скляр.