Министрлік ҚР-дағы көмір, мазут және дизель отынының қорлары туралы айтып берді

Министр білім беру, денсаулық сақтау нысандары мен тұрғын үйлердің дайындығы 100% құрайды деп сендірді.

"Қазіргі уақытта көмір жоспарының 93% - ы, мазуттың 99% - ы және дизель отынының 90% - ы дайындалды. Ағымдағы жылыту кезеңінде көмір өніміне қажеттілік 8,2 млн тоннаны құрайды. Жылыту маусымы басталғаннан бері шамамен 3 млн тонна жеткізілді. Жылдық жоспардың орындалуы 37,1% құрайды", - деді ол.

Бүгінгі таңда еліміздің көмір тұйықтарындағы отын қоры 577 мың тоннаға жуық түрлі маркалы көмірді құрайды, бұл өткен жылдың сәйкес күнінде 100 мың тоннаға артық, деп қосты Шарлапаев.

"Жалпы, министрлік өңірлерді көмірмен қамтамасыз ету мониторингін жүргізуде. ҚТЖ және көмір өндіруші кәсіпорындар жоспарларға сәйкес өңірлерге көмірдің қажетті көлемін жеткізуге дайын. Сонымен қатар, делдалдарды жою мақсатында көмір сатуды биржаға біртіндеп шығару бойынша жұмыс жүргізілуде. Солтүстік, орталық және шығыс өңірлерде жылыту маусымы басталып, халық тарапынан көмір сатып алу белсенді жүргізілуде. Ал оңтүстік және оңтүстік-шығыс өңірлер үшін халықтың көмірді алдын ала сатып алуы жөніндегі ақпараттық компанияны жүргізу әлі де өзекті болып отыр", - деп жалғастырды ол.

Жалпы, оның айтуынша, ағымдағы жылы 161 км жылу желілерін жаңғыртуға республикалық бюджеттен 93 млрд теңге қарастырылған. Оның ішінде 104 км жылу желілерін жаңғыртуға берілетін нысаналы трансферттер есебінен 69 млрд теңге бөлінді, Үкімет резервінен 57 км жылу желілерін қайта жаңартуға шамамен 24 млрд теңге бөлінді. Бүгінгі таңда әкімдіктерге қаржыландыру жоспарына сәйкес сәуір айынан бастап 93 млрд теңгеден 72 млрд теңге немесе 78% аударылды.

Сондай-ақ, табиғи монополиялар субъектілерінің инвестициялық бағдарламалары есебінен жалпы сомасы 17 млрд теңгеге 69 км жылумен жабдықтау желілерін қайта жаңарту жоспарланған.