Қазақстандықтар сыбайлас жемқорлыққа қатысты шағымдардың арқасында қанша ақша тапты

Сыбайлас жемқорлыққа қарсы қызметтің ресми өкілі Данияр Бигайдаровтың айтуынша, биылғы жылы колл-орталыққа 20 мыңнан астам қоңырау келіп түскен.

"Олардың 4500-і бойынша консультациялар берілді, 572 хабарламада сыбайлас жемқорлық құқық бұзушылық белгілері болды. Колл-орталық арқылы келіп түскен хабарламалардың нәтижелері бойынша ашылған қылмыстық істердің саны артып келеді. Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзге де жолмен жәрдем көрсететін адамдарға ақшалай сыйақы төленетінін еске саламыз. Көтермелеу Қағидалармен регламенттеледі және сыбайлас жемқорлық фактілеріне нөлдік төзімділікті қалыптастыру бойынша пәрменді ынталандырушы тетік болып табылады", - деп атап өтті Бигайдаров Антикордағы брифингте.

Ведомствоның ресми өкілінің айтуынша, қазір сыйақы 10 пайызға дейін, бірақ 4 мың АЕК-тен аспайды (2024 жылы 14 768 000 000 теңге).

"Сыбайлас жемқорлыққа қарсы іс-қимылға жәрдемдескені үшін Антикор департаменттері 28,9 миллион теңге сомасына ақшалай сыйақы төлеп, 76 адамды көтермеледі. Оның ішінде 33 мемлекеттік қызметші грамотамен марапатталды. Өтініштердің көпшілігінде қылмыстық немесе әкімшілік жауапкершілікке тартпағаны, өкілеттіктерін асыра пайдаланғаны, қамқоршылығы, Мемлекеттік сатып алу саласын бұзғаны және лауазымды тұлғалардың басқа да заңсыз әрекеттері үшін пара алу фактілері бар", - деді ол.