Еңбек министрлігі жаңа функциялармен марапатталды

Бұл туралы ақпарат "Қазақстанның Нормативтік құқықтық актілерінің электрондық түрдегі эталондық бақылау банкі" порталында жарияланды.

Үкімет қаулысымен Еңбек министрлігі туралы ережеге өзгерістер мен толықтырулар енгізілді:

• жеке тұлғалардың өтініштерін Әкімшілік рәсімдік-процестік кодексте белгіленген тәртіппен және мерзімдерде қарау;
• адам саудасының құрбандарын әлеуметтік қорғау саласындағы мемлекеттік саясатты қалыптастыру және іске асыру, адам саудасына қарсы іс-қимыл субъектілерінің қызметін үйлестіру;
• адам саудасына қарсы іс-қимылдың өзге де субъектілерімен, адам құқықтары жөніндегі уәкілмен, Бала құқықтары жөніндегі уәкілмен және Президент жанындағы халықтың әлеуметтік осал санаттарының құқықтары жөніндегі уәкілмен өзара іс-қимыл жасау;
• адам саудасына қарсы іс-қимыл жөніндегі, оның ішінде адам саудасына қарсы іс-қимыл саласындағы тәуекелдердің алдын алу, бағалау, адам саудасының құрбандарын оларға көмек көрсету және арнаулы әлеуметтік қызметтер көрсету үшін қайта бағыттау жөніндегі шараларды жоспарлау, ұйымдастыру және іске асыру жөніндегі жұмысты үйлестіру және жүзеге асыру;
• адам саудасының құрбандарына әлеуметтік қорғау және арнаулы әлеуметтік қызметтер көрсету саласындағы заңнаманы қолдану практикасын қорыту, сондай-ақ оны жетілдіру жөнінде ұсыныстар әзірлеу және енгізу;
• адам саудасына қарсы іс-қимыл субъектілерінің қызметкерлерін даярлауды, қайта даярлауды және олардың біліктілігін арттыруды ұйымдастыру;
• адам саудасына қарсы іс-қимылды жүзеге асыру процесінде адамның және азаматтың құқықтарын, бостандықтары мен заңды мүдделерін, қоғам мен мемлекеттің мүдделерін қорғауды қамтамасыз ету;
• адам саудасына қарсы іс-қимыл саласындағы қызметтің нәтижелері туралы жұртшылықты хабардар ету;
• ішкі істер министрлігімен бірлесіп Адам саудасына қарсы іс қимыл саласындағы тәуекелдерді бағалауды жүргізу қағидаларын бекіту;
• ішкі істер министрлігімен бірлесіп және адам саудасына қарсы іс қимыл саласындағы өзге де мемлекеттік органдармен келісім бойынша адам саудасының құрбандарын оларға көмек көрсету және арнаулы әлеуметтік қызметтер көрсету үшін қайта бағыттау тәртібін бекіту;
• ішкі істер министрлігімен бірлесіп Адам саудасына қарсы іс-қимыл жөніндегі ведомствоаралық комиссия туралы ережені бекіту;
• ішкі істер министрлігімен бірлесіп Адам саудасына қарсы іс-қимыл жөніндегі өңірлік комиссия туралы үлгілік ережені бекіту.

Осы қаулы қол қойылған күнінен бастап қолданысқа енгізіледі.