Қарағанды облысының 117 ауылында орталықтандырылған сумен жабдықтау жоқ

Облыста жалпы халық саны 216 528 адамды құрайтын барлығы 345 ауылдық елді мекен бар. Орталықтандырылған сумен жабдықтаумен ауылдық жерлердегі халықтың 93,6% - ы немесе 228 ауыл қамтылған. 14107 тұрғыны бар 117 ауылда ауыз суға қол жетімділік бар, алайда орталықтандырылған сумен жабдықтау жоқ. Оның ішінде 5 ауылдың 353 тұрғыны әкелінген суды пайдаланады. 

"117 елді мекеннің 23 ауылы перспективалы болып табылады. 13 ауылда су құбыры желілерінің құрылысы жүргізілуде. Бұл Бұқар Жырау ауданындағы екі ауыл, үшеуі Ақтоғай ауданында, біреуі Нұра ауданында, жетеуі Шет ауданында. 8 ауыл бойынша жобалық-сметалық құжаттама бар, екеуінде ЖСҚ әзірлеу қажет", - дейді Арман Саттыбаев.

Ведомство орынбасарының айтуынша, 2023 жылы ауылдық елді мекендерде сумен жабдықтау бойынша 31 жобаны іске асыруға 10,9 миллиард теңге бөлініп, 342,2 шақырым су құбыры желілері салынды және қайта жаңартылды. Жыл қорытындысы бойынша ауыл халқының ауыз суға қол жеткізуінің 93,6% көрсеткішіне қол жеткізілді.

2024 жылы ауылдық елді мекендерде сумен жабдықтау бойынша 29 жобаны іске асыруға 4,1 миллиард теңге бөлінді. 55 км су құбыры желілерін салу және қайта жаңарту жоспарланған. Жыл қорытындысы бойынша ауыл халқының ауыз суға қол жеткізуінің 95,8% (+2,2%) көрсеткішіне қол жеткізу жоспарлануда.

"Ауыл тұрғындарын сапалы сумен қамтамасыз етумен жүз пайыз қамтуға 2025 жылдың соңына дейін қол жеткізу жоспарлануда", - деді Арман Саттыбаев.

Сондай-ақ, өңірде тазарту үшін кешенді су блок-модульдерін орнату жұмыстары жүргізілуде. Индустрия және инфрақұрылымдық даму министрлігі 200-ден аз адам тұратын ауылдарда блок-модульдерді орнату міндетін қойды. Қарағанды облысында мұндай ауылдар 93.

"Біз жоспар әзірледік, бір қондырғының болжамды құны 30-50 миллион теңгені құрайды. 2023 жылы облыстық бюджет қаражаты есебінен Нығман және Ақтөбек ауылдарында Нұра ауданында екі қондырғы орнатылды. 2024 жылы 36 КБМ орнату қажет, аталған іс - шараларға 1,4 миллиард теңге қажет", - дейді Арман Саттыбаев.

Сондай-ақ, өңірде қалалық сумен жабдықтау мәселесі бақылауда. Бүгінгі таңда Қарағанды, Балқаш және Теміртау тұрғындары суға жүз пайыз қол жеткізе алмайды. 2024 жылдың соңына қарай билік сумен жабдықтау қызметтеріне қолжетімділікті 99,4% - ға (+5 540 адам) дейін арттыруды жоспарлап отыр. Сонымен қатар, ағымдағы жылы барлық көздерден 8 жобаны іске асыруға 4,2 миллиард теңге қарастырылған. Бөлінген қаражатқа Саран мен Балқаштағы 50 шақырым желіні қайта жаңарту жоспарлануда.