Қарағандыда ТЖ режимін бұзған кәсіпкерлер әкімшілік жауапкершілікке тартылды

Төтенше жағдайдың енгізілуіне байланысты Қарағанды облысында коронавирустың алдын алу шаралары күшейтілді.

ТЖ шеңберінде ұйымдарда күшейтілген санитарлық-дезинфекциялық режимді қамтамасыз ету бойынша шаралар қабылдануда. Кинотеатрлардың, түнгі клубтардың, тренажер және фитнес-орталықтардың, ойын-сауық орындарының, барлардың, мейрамханалардың қызметіне тыйым салынады.

Жоғарыда көрсетілген шараларды сақтамау заңда белгіленген жауаптылыққа әкеп соғады.

Қабылданған шараларға қарамастан, Қарағанды облысының кәсіпкерлік субъектілерінің төтенше жағдай режимін бірқатар бұзушылықтары анықталды. Жоғарыда аталған тыйымдар мен нұсқамаларды бұзғаны үшін кінәлі адамдар әкімшілік жауапкершілікке тартылды.

Мәселен, Қарағанды облысының соттары 16-23 наурыз аралығында 18 әкімшілік істі қарады, олар бойынша әкімшілік айыппұлдарға 9 адам тартылды, ал 9 адамға әкімшілік қамау қолданылды.

Тыйым салуларға бағынбай, іс - шаралар-концерттер, еске алу кештерін өткізіп, Түнгі клубтар мен фитнес-орталықтардың жұмысын жалғастыра отырып, тартылған адамдар өз өмірі мен денсаулығына ғана емес, азаматтарымыздың өмірі мен денсаулығына да қауіп төндірді.