Қарағандыда "Алемгаз" ЖШС тарифті 25%төмендетеді

ҚР Ұлттық экономика министрлігінің Табиғи монополияларды реттеу және бәсекелестікті қорғау Комитетінің Қарағанды облысы бойынша департаменті ҚҚС есептемегенде бір килограмына 135,27 теңгеден 102,61 теңгеге дейін сұйытылған сыйымды газды ГРУ арқылы өткізу қызметінің қолданыстағы бағасын төмендету туралы дәлелді қорытынды шығарды. Бағаның төмендеуі 25% құрады. Тариф 2016 жылдың 1 қыркүйегінен бастап қолданылады.

Сұйытылған мұнай газының бір текше метрінің бағасы 310,28 теңгені құрайды (бұрын бағасы 409,05 теңгені құраған), есептеу құралы болмаған кезде тұтыну нормасы бойынша баға бір адамға 919,36 теңгені (бұрын бағасы 1212 теңгені құраған) құрайды.

Қазіргі уақытта "AlemGaz" ЖШС тұтынушылармен өзара есеп айырысу кезінде қажетті маусымдық аударым коэффициенттерінің шамаларын анықтау үшін эксперимент жүргізу бойынша дайындық жұмыстарын жүргізуде. Мұндай қажеттілік Департаменттің нұсқамасын орындау, сондай-ақ бөлек маусымдық коэффициенттерді қолдану мәселесіне қатысты шығарылған сот шешімдерін орындау нәтижесінде туындады.

Барлық жұмыстар ҚР Энергетика және минералдық ресурстар министрлігінің бірлескен бұйрығымен бекітілген сұйытылған газ бойынша есептегіштердің көлемдік көрсеткіштерін жаппай газға ауыстыру коэффициенттерін есептеу әдістемесі бойынша жүргізілетін болады. Бұл жұмыстарды жүргізу үшін арнайы комиссия құрылады, оның құрамына әкімдік, табиғи монополияларды реттеу және бәсекелестікті қорғау департаменті, қоғамдық ұйымдар мен "AlemGaz"ЖШС өкілдері кіреді. Барлық алынған нәтижелер тұтынушылардың назарына жеткізіледі.

Сонымен қатар, Қарағанды тұрғындарына баллондық газдың құны бір баллонға 1500 теңгеге дейін төмендегені туралы хабарлаймыз.

Қарағанды облысы бойынша ДАРЕМ баспасөз қызметі