Қарағандылықтарды су тарифін көтеру мәселесі бойынша қоғамдық тыңдауға шақырады

22 қазан күні сағат 11:00-де Қарағанды қаласы, Әлиханов көшесі, 4 мекенжайы бойынша "Нұр Отан" партиясының ғимаратында (АҚ зал) "Қарағанды Су" ЖШС-нің 2016-2020 жылдарға арналған тарату желілері бойынша беру қызметтеріне және ағынды суларды бұру қызметтеріне тарифтер мен тарифтік сметаларды бекітуге арналған өтінімдерді қарау бойынша жария тыңдау өтеді.

"Қарағанды Су" ЖШС компаниясының баспасөз қызметінен хабарлағандай, 2016 жылдың басынан бастап қолданыстағы тарифті көтеру жоспарлануда. Тыңдауға Табиғи монополияларды реттеу агенттігінің Департамент қызметкерлері мен қала тұрғындары шақырылып, өз ойларын айта алады.

Естеріңізге сала кетейік, қолданыстағы тариф 2013-2015 жылдарға есептелген. 2013 жылғы 1 шілдеден бастап Су шаруашылығы жүйесінің қызметтеріне тариф жасалды:

- магистральдық құбырлар арқылы су беру (техникалық су) ҚҚС есептемегенде м3 үшін 23,12 теңге, ҚҚС есептегенде текше метр үшін 25,89 теңге;
- "Теплотранзит Қарағанды" ЖШС үшін ҚҚС есебінсіз м3 үшін 82,66 теңге, ҚҚС есебімен м3 үшін 92,58 теңге;
- "Қарағанды Энергоцентр" ЖШС үшін ҚҚС есебінсіз м3 үшін 66,96 теңге, ҚҚС есебімен м3 үшін 75,00 теңге;
- "Оқжетпес" ЖШС үшін ҚҚС есебінсіз м3 үшін 54,51 теңге, ҚҚС есебімен м3 үшін 61,05 теңге;
- халық үшін ҚҚС есебінсіз м3 үшін 98,26 теңге, ҚҚС есебімен м3 үшін 110,05 теңге;
- бюджет қаражаты есебінен ұсталатын ұйымдар үшін ҚҚС есебінсіз м3 үшін 446,43 теңге, ҚҚС есебімен м3 үшін 500,00 теңге;
- жылына 5000 м3 аспайтын су тұтыну көлемі бар басқа заңды тұлғалар үшін ҚҚС есебінсіз м3 үшін 267,86 теңге, ҚҚС есебімен м3 үшін 300,00 теңге;

- жылына 5000 м3 асатын су тұтыну көлемі бар басқа заңды тұлғалар үшін ҚҚС есептемегенде м3 үшін 446,43 теңге, ҚҚС есептегенде м3 үшін 500,00 теңге.

2. Кәріз жүйесінің қызметтеріне:
- халық үшін ҚҚС есебінсіз м3 үшін 72,52 теңге, ҚҚС есебімен м3 үшін 81,22 теңге;
- бюджет қаражаты есебінен ұсталатын ұйымдар және басқа тұтынушылар үшін ҚҚС есептемегенде м3 үшін 210,22 теңге, ҚҚС есептегенде м3 үшін 235,45 теңге.