ТЖ департаментінің қызметкерлері тірек-қимыл аппараты бұзылған мектеп-интернаттың балаларымен сабақ өткізді

Оқушылар үшін алғашқы сабақ отрядтың барлық техникасы орналасқан өрт сөндіру депосына экскурсия болды. Балалар заманауи өрт техникасымен, өрт сөндірушінің жабдықтарымен, тыныс алуға жарамсыз ортада жұмыс істеуге арналған аппараттармен танысты. Олар сондай-ақ өрт сөндірушінің киімін киіп, өздерін құтқарушы ретінде сезіне алды. Балалар өрт сөндірушілерді үлкен қызығушылықпен тыңдады, олар өз қызметтері, өмірдегі хоббилері және осы қиын қызметке қалай келгендері туралы айтты.

Мамандандырылған жасақтың оқу сыныбында балаларға арналған екінші сабақ өтті. Сабақ төтенше жағдайлардағы мінез-құлық ережелері бойынша өткізілді. Департамент мамандары балаларға ТЖ туындаған кезде әрекет ету алгоритмін әзірлеуге көмектесті. Олар әңгімеге белсенді қатысты, сұрақтарға жауап берді, мамандармен бірге су тасқыны, өрт немесе басқа да төтенше жағдайлар кезіндегі мінез-құлық ережелері туралы білімдерімен бөлісті.

Сабақ соңында балалар құтқарушыларға қызықты экскурсия үшін алғыс білдіріп, басқа өрт сөндіру бөлімдеріне баруға ниет білдірді.

А. ТІЛЕУҒАБҰЛОВА
Майор, аға офицер УГО