Қазақстанда шипажайлар мен курорттық аймақтарды бақылауды заң жүзінде күшейтеді

Оның мәліметінше, қазіргі уақытта елімізде 333 санаторий-курорттық ұйым жұмыс істейді.

"Астанада – 12, Алматыда – 34, Шымкентте-20. Облыстар бойынша: Абай – 7, Ақмола – 20, Ақтөбе – 7, Алматы – 22, Атырау – 4, Батыс Қазақстан-3, Жамбыл – 16, Жетісу – 9, Қарағанды – 13, Қостанай – 8, Қызылорда – 17, Маңғыстау-7, Павлодар-7, Солтүстік Қазақстан - 3, Түркістан – 117, Ұлытау – 1, Шығыс Қазақстан-6", – деп атап өтті Жұманғарин.

Ол санаторий-курорттық ұйымдар негізінен жеке меншікте болғандықтан, қолданыстағы есепке алу жүйесі олардың материалдық-техникалық базасы, нөмірлік және төсек қоры, жүктеме және пайдаланылатын табиғи емдеу ресурстары туралы толық және сенімді ақпарат алуға мүмкіндік бермейтінін атап өтті.

"Осыған байланысты Үкімет санаторий-курорттық ұйымдардың бірыңғай тізілімін қалыптастыруды көздейтін заңнамалық түзетулер әзірледі. Қазіргі уақытта бұл түзетулер Құрылтайда "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" заң жобасы шеңберінде қаралуда", – делінген жауапта.