Қазақстандағы жалақыны кешіктіру: ақшаңызды пайызбен қалай қайтаруға болады

Егер жалақы кешіктірілсе не істеу керек

Ең алдымен, Еңбек және халықты әлеуметтік қорғау министрлігінде (Еңбекмині) түсіндірілгендей, қызметкер жұмыс берушіге жүгініп, қарызды төлеуді талап ете алады.

Егер мәселе шешілмесе, онда Жұмыс берушінің орналасқан жері бойынша Мемлекеттік еңбек инспекциясы комитетінің аумақтық департаментіне жүгінуге болады. Шағымды eOtinish арқылы онлайн режимінде де беруге болады.

Өтінішке еңбек қатынастарын және берешектің бар-жоғын растайтын құжаттарды қоса беру қажет. Мысалы, еңбек шарты, есеп айырысу парақтары, банктік үзінді көшірмелер, бұйрықтар және басқа құжаттар.

Өтініштен кейін не болады

Егер негіз болса, мемлекеттік еңбек инспекторлары тексеру жүргізеді. Берешек расталған кезде жұмыс берушіге бұзушылықты жою және жалақы бойынша қарызды өтеу туралы нұсқама беріледі.

Қарыздың өзінен басқа, жұмыс беруші әр кешіктірілген күн үшін өсімпұл төлеуі керек. Ол Ұлттық Банктің берешек төленген күні қолданылып жүрген базалық мөлшерлемесінің 1,25 еселенген негізінде есептеледі.

Жұмыс берушіні қалай жазалайды

Айта кету керек, белгіленген мерзімде жалақы төлемегені үшін, сондай-ақ өсімпұлды есептемегені немесе төлемегені үшін ӘҚБтК-нің 87-бабы бойынша айыппұл қарастырылған. Оның мөлшері жұмыс берушінің санатына байланысты:

- лауазымды тұлғалар - 30 АЕК;
- шағын кәсіпкерлік субъектілері және коммерциялық емес ұйымдар-60 АЕК;
– орта кәсіпкерлік субъектілері-100 АЕК;
- ірі кәсіпкерлік субъектілері-150 АЕК.

"Жалақының кешігуі қызметкердің еңбек құқығын бұзу болып табылады. Егер жұмыс беруші жалақыны кешіктірсе, қызметкер мемлекеттік еңбек инспекциясына жүгініп, берешекті өтеуді ғана емес, сонымен бірге мерзімі өткен кезең үшін өсімпұл төлеуді де талап етуі керек", - деп қорытындылады ЕХӘҚМ.