Қарағанды облысында жыл басынан бері қызылшаның 490 жағдайы тіркелді

Жалпы Қарағанды облысындағы эпидемиологиялық жағдай қанағаттанарлық деп бағаланады, деп атап өтті Юрий Залыгин. Бұл ретте өңірде сырқаттанушылықтың төмендеуімен қатар жекелеген аурулардың өсуі байқалады. 

"Ағымдағы жылдың сегіз айында созылмалы вирустық гепатиттермен сырқаттанушылық екі есеге артты. Сондай – ақ С вирустық гепатиті мен сальмонеллездің қосымша төрт жағдайы тіркелді", - деді облыстың бас мемлекеттік санитарлық дәрігері.

Сонымен қатар, өңірде көкжөтелмен сырқаттанушылық екі есе, серозды менингиттермен, А вирустық гепатитімен – 3,3 есе және дерматомикозбен – екі есе азайды. Скарлатина және коронавирустық инфекциялар саны 35% – ға, жедел ішек инфекциялары 16% - ға азайды. ЖРВИ 24% - ға азайды.

"Эпидемиологиялық жағдайды тұрақтандыру үшін мақсатты жастағы балаларды вакцинациямен қамтуды қамтамасыз ету қажет. Вакцинация әлі де вакцинамен басқарылатын инфекциялардың, соның ішінде қызылша мен көкжөтелдің алдын алудың негізгі әдісі болып қала береді", – деп қосты спикер.

Ол Қазақстанда 11 инфекцияға қарсы вакцинация мемлекеттік бюджет қаражаты есебінен жүргізіліп жатқанын еске салды. Олардың қатарында туберкулез, дифтерия, полиомиелит, қызылша, паротит, қызамық, сіреспе, көкжөтел, В гепатиті, гемофильді және пневмококкты инфекциялар бар. Сонымен қатар, А гепатитіне қарсы вакцинация жергілікті бюджеттен қаржыландырылады. Халықты мұндай вакцинациялау Ұлттық егу күнтізбесіне сәйкес тегін жүргізіледі.

Сонымен қатар, облыста вакцинация арқылы алдын алуға болатын инфекцияларға қарсы ұжымдық иммунитетті қалыптастыру үшін халықтың нысаналы топтарын вакцинациялау жалғасуда. Сегіз айдың қорытындысы бойынша халықтың тиісті топтары арасында профилактикалық егулермен қамту 49,5% - дан 63,6% - ға дейін құрады.

"ҚР Бас мемлекеттік санитарлық дәрігерінің қаулысына сәйкес жүргізілетін қосымша жаппай иммундау шеңберінде 6 айдан 11 айға дейінгі 2 600 бала екпе алды. Екі жастан бес жасқа дейінгі балалар арасында бұрын вакцинациямен қамтылмаған 2000-нан астам бала екпе алды. Ал иммундау аясында 15 475 адам вакцинациядан өтті", - деп бөлісті Юрий Залыгин.