Тоқаев Қазақстан Вице-Президентінің өкілеттігін бекітті

Қазақстан Республикасы Конституциясының 49-бабының 3-тармағына және "Қазақстан Республикасының Президенті туралы" Конституциялық заңға сәйкес ҚАУЛЫ ЕТЕМІН:

1. Қазақстан Республикасының Вице-Президенті:

1) мемлекеттің ішкі және сыртқы саясаты саласындағы стратегиялық сипаттағы бастамаларды әзірлеуді қамтамасыз етеді және Қазақстан Республикасының Президентіне ұсынады;

2) Қазақстан Республикасы Президентінің тапсырмасы бойынша оны Құрылтаймен, Үкіметпен және өзге де мемлекеттік органдармен, сондай-ақ саяси партиялармен, қоғамдық бірлестіктермен және халықаралық ұйымдармен өзара іс-қимыл жасау кезінде ұсынады;

3) Қазақстан Республикасы Президентінің тапсырмасы бойынша халықаралық іс-шараларға қатысады;

4) Әлемдік және дәстүрлі діндер лидерлері съезінің Хатшылығын басқарады;

5) Қазақстан Республикасы Президентінің жанындағы Қазақстандық стратегиялық зерттеулер институтының қызметіне жетекшілік етеді;

6) мыналардың: мемлекеттік наградалар жөніндегі комиссияның; Азаматтық мәселелері жөніндегі комиссияның; ведомстволық және оларға теңестірілген өзге де наградалардың Мемлекеттік рәміздері мен геральдикасы жөніндегі республикалық комиссияның; Шетелде кадрлар даярлау жөніндегі республикалық комиссияның; әл-Фараби атындағы ғылым және техника саласындағы Қазақстан Республикасының Мемлекеттік сыйлығын беру жөніндегі комиссияның; Абай атындағы Әдебиет және өнер саласындағы Қазақстан Республикасының Мемлекеттік сыйлығы; жастар саясаты жөніндегі кеңес;

7) Қазақстан Республикасы Президентінің тапсырмаларына сәйкес өзге де өкілеттіктерді жүзеге асырады.

2. Осы Жарлықта айқындалған өкілеттіктерді іске асыру мақсатында Қазақстан Республикасының Вице-Президенті:

1) өкімдер шығару;

2) орталық және жергілікті атқарушы органдарға оның құзыретіне жататын мәселелер бойынша тапсырмалар беруге;

3) Қазақстан Республикасы құрылтайының, Қазақстан Республикасы Үкіметінің, Қазақстан Халық Кеңесінің, Қазақстан Республикасы Президентінің жанындағы консультативтік-кеңесші органдардың отырыстарына қатысуға;

4) өз құзыретіне жататын мәселелер бойынша мемлекеттік органдар мен лауазымды адамдардан қажетті ақпаратты, құжаттарды және басқа да материалдарды сұратуға және алуға құқылы;

5) өз құзыретіне кіретін мәселелер бойынша Қазақстан Республикасы Президентінің актілерінің жобаларын әзірлеу үшін, сондай-ақ Қазақстан Республикасының Президенті қойған өзге де міндеттерді шешу үшін ведомствоаралық жұмыс топтарын құруға құқылы.

3. Қазақстан Республикасы Вице-президентінің қызметін ұйымдастырушылық-құқықтық, ақпараттық-талдамалық және өзге де қамтамасыз етуді Қазақстан Республикасы Президентінің Әкімшілігі жүзеге асырады деп белгіленсін.

4. Осы Жарлыққа қосымшаға сәйкес Қазақстан Республикасы Президентінің кейбір актілеріне енгізілетін өзгерістер бекітілсін.

5. Қазақстан Республикасының Үкіметі, Қазақстан Республикасы Президентінің Әкімшілігі, Қазақстан Республикасы Президентінің Іс басқармасы белгіленген тәртіппен осы Жарлықтан туындайтын шараларды қабылдасын.

6. Осы Жарлық қол қойылған күнінен бастап қолданысқа енгізіледі.