Қазақстанда техникалық байқау жүргізу ережесі өзгерді

Негізгі өзгерістердің бірі міндетті техникалық байқаудың бірыңғай цифрлық жүйесінің жұмысына қатысты. Техникалық байқау орталықтары оған диагностика нәтижелері туралы толық және анық мәліметтерді беруге міндетті. 

Нөмірлік агрегаттардың сәйкессіздігі, мемлекеттік тіркеу нөмірлік белгілері болмаған немесе автомобиль конструкциясына заңсыз өзгерістер анықталған кезде оператор бұл туралы Ішкі істер органдарына дереу хабарлауға тиіс.

Ереже көлік құралының санатына байланысты техникалық байқаудың ұзақтығын белгілейді:

1. O-1, L-1-7 — 15 минутқа дейін;
2. M-1-20 минутқа дейін;
3. M-2, M-3, N-1, N-2, N-3, O-2, O-3, O — 4-30 минутқа дейін.

Стационарлық және мобильді желілерден жүргізілген техникалық байқау туралы деректер тексеруді жүргізудің нақты уақыты мен орны көрсетіле отырып, бірыңғай цифрлық жүйеге түсуге тиіс.

Стационарлық желілерден ақпарат күн сайын нақты уақыт режимінде, мобильді желілерден — екі күнтізбелік күнде бір рет беріледі.

Диагностикалық карта бірыңғай цифрлық жүйемен біріктірілген мамандандырылған бағдарламалық қамтамасыз ету арқылы электрондық түрде ресімделеді. Диагностикалық карта жоғалған немесе бүлінген жағдайда, автокөлік иесі оның телнұсқасын бұрын құжатты берген оператордан ала алады. Телнұсқа 15 минут ішінде қайтадан техникалық байқаудан өтпей беріледі және жоғалған немесе бүлінген картаның қолданылу мерзімі аяқталғанға дейін қолданылады.

Егер автокөліктің зақымдануы анықталса

Сонымен қатар, деректердің дұрыстығын бақылау күшейтілді. Баж операторы салалық қауымдастықтар мен қоғамдық бірлестіктердің өкілдерімен бірлесіп жарты жылда бір рет мамандандырылған бағдарламалық қамтамасыз етудің белгіленген талаптарға сәйкестігін тексеретін болады.

Жүйе сондай-ақ көлік құралы туралы расталған мәліметтер болмаған кезде диагностикалық картаны беруден автоматты түрде бас тартуды және жалған диагностикалық карталарды анықтауды көздейді.

Бұзушылықтар анықталған кезде техникалық байқау операторы бірыңғай цифрлық жүйе қызметтерін ұсынуды тоқтата тұруы мүмкін. Бұзушылықтар жойылғаннан кейін және оны баж операторы растағаннан кейін жүйеге кіру қалпына келтіріледі.

Бұдан басқа, аптасына кемінде екі рет техникалық байқау нәтижелері туралы келіп түскен деректерге мониторинг жүргізілетін болады. Бағдарламалық қамтамасыз етудің белгіленген талаптарға сәйкес келмеуі анықталған кезде деректерді бірыңғай цифрлық жүйеге беру мүмкіндігі бұғатталады.

Бұйрық 19 қазаннан бастап күшіне енеді.