Duty Free үшін жаңа ережелер Қазақстанда күшіне енеді

Өзгерістер ҚР Қаржы министрінің 2026 жылғы 10 тамыздағы №537 Бұйрығымен көзделген, ол кедендік бақылаудың уақытша аймақтары, уақытша сақтау орындары және бажсыз сауда дүкендері бойынша қолданыстағы ережелерге түзетулер енгізеді.

Негізгі өзгерістердің бірі тоқтатылған Duty Free-ге қатысты.

Бажсыз сауданың кедендік рәсімімен орналастырылған тауарлар мұндай жағдайда шетелдік тауарларға қолданылатын кедендік рәсімдерге ауыстырылуға тиіс.

ЕАЭО тауарлары үшін екі нұсқа көзделген: оларды экспорттың кедендік рәсіміне орналастыру не бажсыз сауда дүкенінен Еуразиялық экономикалық одақтың кедендік аумағына әкету қажет.

Осы талаптарды орындау үшін Duty Free иелеріне дүкен қызметін тоқтата тұру туралы шешім қабылданған күннен бастап 60 күнтізбелік күн беріледі.

Түзетулер тауарларды сату тәртібіне де әсер етеді. Енді бажсыз сауда дүкендеріндегі тауарлар Салық кодексінің 110 және 111-баптарына сәйкес бақылау-касса машиналарын міндетті түрде қолдана отырып сатылатыны нақты бекітілген.

Сонымен бірге Салық кодексінің 207, 208 және 209-баптарында көзделген шот-фактураларды жазып беру жөніндегі талаптарды сақтау қажет.

Duty Free-ге тауарлардың түсу тәртібі де нақтыланады. Өнім дүкен қоймасына елорда, облыстар және Республикалық маңызы бар қалалар бойынша аумақтық мемлекеттік кірістер органдарының лауазымды адамдарының қатысуымен не хабардар етіле отырып орналастырылуға тиіс.

Бұдан басқа, бұйрық кедендік бақылаудың уақытша аймақтары мен қоймаларына өзгерістер енгізуді көздейді. Атап айтқанда, Уақытша аймақтарды құру тәртібі нақтыланды, ал қоймалар үшін Мемлекеттік кірістер органдарына тауарлар туралы есептілікті электрондық түрде беру және оларды шығару туралы мәліметтерді алу мүмкіндігі бекітілді.

Өзгерістер 2026 жылғы 25 тамыздан бастап қолданысқа енгізіледі.